Archive - 2015 - Хыпар

Илемлĕ юханшыв пулăсăр юлма пултарать

Пулăçсем çуллен январь-март уйăхĕсенче Сăр юпписенче - Ургара, Вылра, Пьянăра, Хура юханшывра - вун-вун тонна пулă тытса çутçанталăк пуянлăхне палăрмаллах катертнине «Хыпарăн» 2013 çул пуçламăшĕнчи номерĕнче çырса кăтартнăччĕ.

Чăваш Енре Литература тата К.В.Иванов çулталăкне савăнăçлă лару-тăрура уçнă самант "чун инженерĕсемшĕн", тĕрĕссипе - илемлĕ литературăна юратакансемшĕн те, тепĕр пĕлтерĕшлĕ пулăмпа та асра юлчĕ пулĕ тетĕп: çав кун - январĕн 23-мĕшĕнче - Наци библиотекинче "Çиччĕрен - çиччĕ" кĕнекен презентацийĕ иртрĕ.

Пĕтĕм Раççейри Халăх фрончĕн /ХФ/ Чăваш Республикинчи уйрăмĕн нумаях пулмасть иртнĕ ларăвĕнче юхăннă çуртсенче пурăнакансене хăтлă хваттерпе тивĕçтерес программа пирĕн республикăра мĕнле пурнăçланса пынине тата çакăнпа çыхăннă ытти ыйтăва тишкерчĕç. Тĕлпулăва ЧР Строительствăпа архитектура тата пурăнмалли çурт-йĕрпе коммуналлă хуçалăх министерствин, ЧР патшалăх пурăнмалли çурт-йĕр инспекцийĕн, муниципалитет администрацийĕсен яваплă çыннисем, общество представителĕсем, ХФ эксперчĕсемпе хастарĕсем хутшăнчĕç.

Культура çулталăкĕпе пĕрлех 2014 çула Спорт çулталăкĕ тесе те хаклама юрать. Чăн та, пирĕн çĕршыв спортри пысăк пулăмсемпе пуян пулчĕ, спортпа туслисен йышĕ те палăрмаллах ÿсрĕ. Чăваш Ен спортсменĕсемшĕн тата спорта юратакансемшĕн мĕнпе асра юлчĕ-ха иртнĕ çул?

Çапла çирĕплетет тимĕр вăййипе туслă ветеран

Çичĕ-сакăр теçетке урлă каçнă хăш-пĕр мучирен тĕлĕнме пăрахмастăп: тивĕçлĕ канура пулин те кĕрĕк аркине йăваласа лармаççĕ, общество ĕçĕнче те хастар вĕсем. Тĕрлĕ мероприятие хутшăннисĕр пуçне спортра та пысăк çитĕнÿсем тăваççĕ. Вăрнар поселокĕнче пурăнакан 73 çулти Анатолий Иванов та спортпа туслă: вăл кире пуканĕ йăтать, ăмăртусенче вăй виçет.