Archive - 23 Кăрлач, 2019

23 Кăрлач, 2019

Кĕрнеклĕ кун-çул, асаплă шăпа

2019 çула Раççейре Театр çулталăкĕ тесе йышăннă. Çавна май чăваш театрĕн «ашшĕ» — Иоаким Степанович Максимов-Кошкинский — тата унăн çемйи пирки çырса кăтартма шут тытрăмăр. Малашне ытти артист пултарулăхĕпе, шăпипе паллаштарăпăр.

«Хаяр артисткăпа» «фраклă актер»

23 Кăрлач, 2019

Çак çырăва арçынсем вулаччăр!

Чуна йывăртан, чĕре ыратнăран сирĕн пата çырма шут тытрăм.
Çамрăксем çемье çавăрнă чухне ĕмĕр вĕçне çитиччен пĕрле пурăнма сăмах параççĕ. Анчах çулсем иртнĕçемĕн юрату сĕвĕрĕлме пуçлать. Арçын пуçне ырă мар шухăш пырса кĕрет: çумри арăмĕ килĕшми пулать, вăл урăх хĕрарăмпа çыхланать. Çавна май чи малтан ача нушаланать.
Хамăн кĕçĕн мăнук еплерех йывăрлăха кĕрсе ÿкнине çырас терĕм. Ашшĕ иртнĕ çул çемйине пăрахса урăх хĕрарăмпа пурăнма пуçларĕ. Ачине питĕ юрататчĕ вăл малтан. «Мĕнле ăшă кăмăллă ача пулчĕ çакă пирĕн», — тетчĕ.

23 Кăрлач, 2019

Кĕнеке

Хветут пиччĕшĕ Микулай хут пĕлменнисен шкулĕнче вĕренет. Паян вăл кĕнеке илсе килнĕ те вулама хăтланса ларать.
— «Хĕ.. . хĕл-ле... ку... мул-кач... ял çывă... çывăхĕн-че пу... пу-рăн-нă», — тет вăл асаплăн, сăмахсене тытăнчăклăн калаçакан çын пек вакласа. Вара урай шăлакан шăллĕне ăнлантарса парать:

23 Кăрлач, 2019

Çăлтăртан хĕр пулчĕ

Тулли уйăх тÿпене хăпарсан çăлтăрсем патне хăнана кайма шухăшланă. Çăлтăрсен керменĕ анлă тÿпе варринче кăвак шăналăк çинче ялкăшса ларнă. Кунта пин-пин çăлтăрчăк пурăннă. Кăнтăрла вĕсем çывăрнă, каçсерен уя улаха тухнă. Ун чухне кермен алăкĕ пачах хупăнман, шурă, хĕрлĕ, сарă, симĕс, кăвак тĕслисем, пысăкки, пĕчĕкки, вăйли, вăйсăрри, çамрăкки, ватти кермен алăкĕ витĕр унта-кунта вĕçсе çÿренĕ. Хĕр çăлтăрчăксемпе каччă çăлтăрчăксем пĕрре кĕнĕ, тепре тухнă. Пĕрремĕшĕсем вăрăм аркăллă сараппанпа, иккĕмĕшĕсем вăрăм чаппанпа çÿренĕ.

23 Кăрлач, 2019

«Хастар утăмлă, ăслă та хăватлă тепĕр ăру килетех»

«Тăван Атăл» литература журналĕ Раççейри чи лайăх пилĕк наци пичет кăларăмĕсен йышне кĕнине пĕлсенех чун-чĕрепе çунатланса кайрăм. Çапла, тĕрĕсех, «Тăван Атăл» «Чи лайăх литературăпа ÿнер кăларăмĕ» номинацире çĕнтернĕ текен хыпар Интернетра хăвăрт сарăлчĕ.

23 Кăрлач, 2019

Çумăр чухне илтнĕ калаçу

Канаша çитнĕ çĕре çумăр çума тытăнчĕ. Автобусран тухакансенчен пĕрисем сунчăк айне чăмрĕç, теприсем хула тăрăх çÿрекен автобус чарăнăвне тапса сикрĕç, виççĕмĕшсем тăрăллă платформăсем айне кайса тăчĕç. Эпĕ автовокзала кĕтĕм: çумăр чарăнасса кунта кĕтсе тăрас терĕм.

23 Кăрлач, 2019

Куççуль витĕр кулма...

Кирилпа 1982 çулхи юпа уйăхĕн 30-мĕшĕнче паллашрăм. Эпир, Мускаври театр институтĕнче Чăваш студийĕнче вĕренекенсем, Итали драматургĕн Эдуардо де Филиппăн «Неаполь — миллионерсен хули» диплом спектакльне институт сцени çинче вылятпăр; хамăр спектакльсене час- часах Мускавра пурăнакан чăвашсене чĕнеттĕмĕр. Хальхинче пирĕн ĕçе курма Чăваш патшалăх университетĕнчен В.П.Станьял чăваш студенчĕсене илсе килнĕ. Спектакль хыççăн вĕсем пирĕн ĕçе сÿтсе яврĕç, унтан пурте Хĕрлĕ площаде çитсе хамăр пурăнакан общежитие таврăнса çавра сĕтел хушшине вырнаçрăмăр.

Pages