Archive - Dec 2017

декабрь 26th

«Чăваш Ен – ют çĕршыв студенчĕсен куçĕпе» ятпа пирĕн республикăра фотоконкурс иртнĕ. Ăна ЧР Вĕрентÿ министерствипе Çамрăксен пуçарулăхĕн центрĕ йĕркеленĕ.

26 Dec, 2017 | Хыпар | Культура | дата

Чăваш халăх поэчĕ, ЧАССР тата РСФСР культурăн тава тивĕçлĕ ĕçченĕ Василий Давыдов-Анатри çуралнăранпа 100 çул çитрĕ. Пирĕншĕн Василий Иванович илемлĕ юрăсен сăмахĕсен авторĕ пек те хаклă. Вăл çырнă йĕркесем чăнласах чăваш чунне çывăх, пурнăçран илнĕскерсем: «Чĕвĕл чĕкеçсем, çепĕç шăпчăксем савăнса юрлаç янкăр ирхине. Хастар каччăсем, çамрăк пикесем васкаса утаç тулă пуссине…»

Раштавăн 21-мĕшĕнче ЧР Министрсен Кабинечĕн Председателĕн заместителĕ — ял хуçалăх министрĕ Сергей Артамонов «Кăçалхи 11 уйăхра выльăхран продукци илессипе ĕçсене пĕтĕмлетни тата 2017 çулхи тĕллевсене пурнăçласси» темăпа канашлу ирттерчĕ.

Пулас фермера тĕнче касса çÿрени йăлăхтарнă

Канаш районĕнчи Ухман ялĕнче çуралса ÿснĕ Валерий Макаров пĕр вăхăт Канаш хулинчи тĕрлĕ предприятире вăй хунă пулин те тăван  тăрăхра тĕпленсе ĕçленине нимĕн те çитменнине лайăх ăнланса илнĕ.

Çывăрма хатĕрленнĕччĕ — телефон шăнкăртатрĕ. «Ялтан! — терĕ арăм. Пиччĕшĕ Юрий калаçнине тимлĕн итлесе пĕтерчĕ. «Тумлан,  кайрăмăр!» — команда пачĕ вăл. Хуньăм мунча хыççăн хăйне япăх туйма пуçланă-мĕн.

— Больницăнах вырттарасчĕ! — шухăшне татăклăн каларĕ тухтăрта вăй хуракан мăшăр ашшĕне тĕплĕн тĕрĕсленĕ хыççăн.

декабрь 25th

Пурнăçра нимĕн те ăнсăртран пулмасть. 1982 çулхи кăрлач уйăхĕнче Киев хулине килсен мана мастер пулса ĕçлеме Украинăн тава тивĕçлĕ строителĕ Иван Иванович Божок патне ячĕç. Вăл вара шăпах Чернигов облаçĕнчи Остер хулине кĕрекен Кашкăр Сăртĕнче çуралнă.

Ахальтен мар çакăн пек ыйтуран пуçлас терĕм паянхи сăмахăма. 2018 çул пире хăй ытамне илме хатĕрленет. Еплерех пулĕ-ши кăмăлĕ – ачаш та ырă е кăра та хивре – хальлĕхе калама йывăр. Темле пулсан та, ырра шанатпăр, кĕтетпĕр пулин те, паянхи саккăрла кăна мар, вуннăлла çаптаракан саманана кура, кăмăла ирĕке яма иртерех пек туйăнать.

Pages