Archive - Çу 2016

Икĕ çул каялла, çу уйăхĕн 30-мĕшĕнче тухнă номерте, тĕп хуламăрти тирпейсĕр вырăнсем пирки çырса кăтартнăччĕ. Çивĕч ыйтăва уçăмлатас тесе Шупашкарти тĕрлĕ кĕтесре пулса курнăччĕ. Трактор тăвакансен культура керменĕ хыçĕнчи вăрмана та çитнĕччĕ.

Çак кунсенче шкулпа сывпуллашакансем валли юлашки шăнкăрав янăрарĕ. Республикăри 6,5 пин çамрăк пĕлÿ çурчĕн алăкне уçса текех урока васкамĕ. Шăнкăрав Шупашкарти 6204 вĕренекеншĕн юлашки пулчĕ.

Иртнĕ эрнере Муркаш районĕнчи Купăрля ялĕнче «Хыпар» хаçат никĕслевçин, чăвашран тухнă пĕрремĕш профессорăн Николай Никольскин çуралнă кунне паллă турĕç. Çу уйăхĕн 19-мĕшĕнче сумлă ăсчах, этнограф, тĕпчевçĕ ячĕпе унăн палăкĕ умĕнче митинг ирттересси йăлана кĕнĕ. Тăван халăх аталанăвĕшĕн курăмлă нумай ĕç пурнăçланă паллă çынна пуç тайма вырăнти тата районти ертÿлĕх çеç мар, республикăн тĕп хулинчен те хăнасем йышлăн килчĕç. Мероприятие аслă ăру çыннисемпе пĕрле çамрăксем хутшăнни те савăнтарчĕ.

"Ахăр самана çитсен уйсемпе çарансенче чечексем юлмĕç, ялсен хушшинчи сукмак та пĕтĕ", — тенĕ ватăсем самана хаярлăхне палăртса. Анчах ача чухне эпир кун çинчен шухăшламан та. Пурнăçĕ кал-калччĕ, экономикăпа промышленноçĕ малалла аталанатчĕç: ан ÿркен çеç — пурăн, ĕçле те савăн!

«1996 çулхи çу уйăхĕн 14-мĕшĕ. Ăшă кун. Шкулта урок пырать. Класа директор кĕрсе пĕлтерÿ пачĕ: «Шкул чÿречисене уçма юрамасть. Уроксем хыççăн киле кайăр та çуртри чÿречесене те хупăр». Тăхтав вăхăтĕнче ачасем коридора шавласа тухрĕç. Ун чухне ял çийĕн хура тĕтĕм йăсăрланнине куртăмăр.

Сĕт, çу ярса пĕçернĕ хуратул пăтти сĕтел çинче пăсланса ларнă. «Кунашкал апата хăçан астивсе курăн?» — тенĕ асламăшĕ мăнукне çиме чĕнсе. 1987 çулхи çĕртме уйăхĕн 23-мĕшĕнче Тутарстанри Пăва районĕнчи Алших ялĕнчи Самаркинсен çемйинче салтак ăсатнă.

Пурăнмалли кĕтес, унта-кунта çÿреме машина пулсан кун-çулпа киленесси çеç юлать. Çĕмĕрле районĕнчи Кĕçĕн Тăван ялĕнче пурăнакан Денис Харитонов кунпа çырлахман — ферма хуçалăхĕ йĕркелеме шухăшланă. Ун чухне 20 çулта пулнă вăл. Чаплă машинине, Çĕмĕрлери хваттерне сутса çемйипе пĕрле хăйсен ĕçне пуçарнă.