Ялта кукамăшĕ патĕнче пăру пуснă чухне Ольăн куççуль тухнă. Выльăх-чĕрлĕхе аш-какайшăн усранине ашшĕ-амăшĕ ăнлантарнă-ха, анчах çакна хула хĕрачин чунĕ ниепле те йышăнайман: ачашласа, юратса ÿстернĕ-çке ăна. Выльăх пуснă хыççăн юнĕнчен пĕçернĕ кăлпассие тутанса та пăхман вăл. Малалла вулас...
Соя, хĕвелçаврăнăш çитĕнтермелле Иртнĕ эрнекун ЧР Пуçлăхĕ Михаил Игнатьев Чăваш патшалăх оперăпа балет театрĕнче Ял хуçалăх тата тирпейлекен промышленноç ĕçченĕсен кунне уявланă çĕре хутшăннă.
Кама мĕнле ăнать пурнăçра. Пĕрисене шăпа ялан такăнтарать, теприсене вара пуçран ачашлать. «Кĕмĕл сасă» тата «Вирьял шевлисем» конкурс-фестивальсен Гран-прине тивĕçнĕ чăваш эстрада юрăçи Сергей ЛЕКЕРОВ пирки ЧР культура министрĕ Константин Яковлев çапла каланă: «Вăл — пирĕн пуласлăх». Çамрăксем, чăнах та, пирĕн малашлăх. Вĕсем пирĕн ĕçсене тăсĕç, эпир ăс панине ачисене вĕрентĕç. Ентешĕмпе, Патăрьел районĕнчи Çĕнĕ Ахпÿрт ялĕнче кун çути курнă, хĕвел пекех çуталакан хĕрлĕ сарă çÿçлĕ, таса тÿпе пек сенкер куçлă Сергейпа тĕл пулса калаçма интереслĕ пулчĕ. Ара, ăна курмассерен сывлăх суннисĕр пуçне ун пирки нимĕн те пĕлместĕп-çке-ха. Малалла вулас...
Çĕрпÿ районĕнчи Энĕшхĕрри ялне васкамасăр утрăмăр. Вăл пысăках мар: унта 3 урам çеç. Çынсем хулари шăв-шавран тарса кунта çурт лартаççĕ. Апла пулин те пропискăра 60-а яхăн çын çеç тăрать. Хăй вăхăтĕнче унта 3 хут нумайрах çын пурăннă. Вĕсем çĕр çинче ĕçлесе нухрат пухнă, выльăх усранă. Çак ялта пурăнакан Анна Прокопьевăн ашшĕ Денис Прокопьевич пысăк хуçалăх тытса çемйине тăрантармалăх тупăш тунă. Пĕррехинче вăл пĕр çемье çиларман сутнине илтнĕ. Арçын ăна туянни нумайăшне килĕшмен — Прокопьевсене ссылкăна янă.
Çĕнĕ Шупашкарта пурăнакан Зинаида Киргизова тĕрĕслĕх шыраса Мускава çит-нĕ. Нумаях пулмасть Пĕрремĕш каналти «Мужскоеıженское» телекăларăма хутшăннă вăл. Зинаида Николаевна няня пулса 3-ри Ярослава пăхать. Арçын ачан амăшĕ, 22-ри Надежда Петрова, ывăлне пачах килсе курмасть, укçан пулăшмасть, воспитани памасть-мĕн. Çавăнпа няня Надеждăна амăшĕн правинчен хăтарма ыйтать.
Юпа уйăхĕн 27-мĕшĕ «Хыпар» Издательство çурчĕн корреспонденчĕсемшĕн кăсăклă самантсемпе çырăнса юлчĕ. Вĕсемпе РФ Федераци Пухăвĕн Патшалăх Думин депутачĕ Алена Аршинова тĕл пулчĕ. Малалла вулас...
Шупашкар районĕнчи Карачурара пурăнакан Овчинниковсем пирки: «Вĕсем пĕрле пĕр пăт тăвар çинĕ», — теме пулать. Нумаях пулмасть Иван Ивановичпа Зоя Александровна ылтăн туй кĕрекине тăван-пĕтенĕпе тус-юлташне пуçтарчĕç. Малалла вулас...
Унччен: «Чăваш кĕнекине ĕне çинĕ», – тетчĕç. XX ĕмĕр пуçламăшĕнче ÿкернĕ чăвашла фильмсенчен темиçешне пăхнă хыççăн чăваш киновне те çав выльăхах тĕп туман-ши тесе аптăранине, И.Максимов-Кошкинские çитекен çук тесе тиркенине пытарам мар. Ун чухне манăн куç тĕлне лекнисен сценарийĕ те айванччĕ, чăн-чăн сцена ăстисем выляманран рольсене ĕнентерÿллĕ калăпламастчĕç, кадрсем пахалăхсăрччĕ, актерсен сасси начар илтĕнетчĕ. Унтанпа сахал мар шыв-шур юхрĕ, чăваш киновĕнче самай улшăну пулчĕ. Çакна Пĕтĕм чăвашсен «Асам» II кинофестивальне тăратнă фильмсем те çирĕплетрĕç.
Пĕр-пĕр справка е документ илес, патшалăх пулăшăвĕн ытти тĕсĕпе усă курас тесен вăхăт нумай кирлине пирĕнтен чылайăшĕ лайăх пĕлет: пуçлăхран ирĕк ыйтса ĕçрен каймалла, чиновник пÿлĕмĕ умĕнче вăрахчен кĕтмелле, унта та, пулăшушăн тÿлеме кайсан та черет тăмалла… Мĕн палăртнине пĕрре кайсах вĕçлесен аван-ха, анчах чылай чухне вăл е ку учреждение темиçе те çитме тивет.
Чăвашла верси
Русская версия
