Archive - Ака 2015

ШYПАШКАPТИ ТĔП ПАСАРТИ ХАКСЕМ. /апрелĕн 7-мĕшĕ тĕлне/

Çурхи пахча ĕçĕсем

Хуткупăса мĕнле упрамалла?

Мăнкун

Юр ирĕлнĕçемĕн сад-пахчара хĕрÿ ĕçсем пуçланаççĕ. Пахча ĕçĕсене еплерех туса пынинчен ÿсен-тăран сывă та тĕреклĕ пуласси, унăн илемĕ, тухăçĕ нумай килет.

Ăшăтнă майĕн кĕркуннерен юлнă, тăкăннă çул­çăна, виткĕçсене, ытти ăпăр-тапăра пуçтармалла. Тирпейленĕçемĕн йăрансем çинче тин çеç тухакан çумкурăка тăпăлтарса пырăр. Вĕсене çуркунне çемçе тăпраран кăклама та çăмăлрах.

Ачасем пĕчĕк чухнех Шуя хулин завочĕн хуткупăсне туяннăччĕ. Шел, ачасене купăс калама вĕрентеймерĕм. Халĕ мăнуксем пур. Вĕсем валли тесе упратăп. "Гармошкăна нумай вăхăт ĕçсĕр вырттарсан сасси çĕтет", - теççĕ купăсçăсем. Ăна мĕнле упрамалла-ши?

Федор Алексеев.

Хĕрлĕ Чутай районĕ.

Çулталăкри чи аслă уяв - Мăнкун - кăçал апрелĕн 12-мĕшĕнче пулать. Вăл кашни çулах çуркунне тĕрлĕ вăхăтра килет.

Авал чăвашсем Мăнкуна нурăс уявĕнче, мартăн 21-мĕшĕнче, кунпа çĕр танлашнă кун палăртнă теççĕ ăсчахсем. Каярах христианство сарăлнă çемĕн Мăнкун Христос Чĕрĕлнĕ кунпа пĕрлешсе кайнă.