Archive - 2014

«Шел, вăхăт сахалрах, унсăрăн Сочирех юлнă пулăттăм - ăмăртусем вĕçлениччен...» - çапла палăртрĕ хăйĕн кăмăл-туйăмне хĕллехи Олимп вăййисем иртекен хулара пулса килнĕ хыççăн республикăн Патшалăх Канашĕн Председателĕ Юрий Попов.

Ăслăлăх фестивалĕ старт илчĕ

Нарăсăн 11-мĕшĕнче Чăваш Енре Ăслăлăх фестивалĕ пуçланчĕ, вăл кăçалхи çĕртме уйăхĕччен тăсăлĕ.

Ĕç паракансене кирлĕ специалистсене, ĕç шыракансене тивĕçлĕ вырăн кĕске хушăра тупмашкăн меллĕрех пултăр тесе Федерацин ĕç тата ĕçлев служби /Раççей Федерацийĕн Ĕç министерстви/ информацин ятарлă «Раççейри ĕç» порталĕнче /http://www.trudvsem.ru/ - унта 1,5 млн яхăн ваканси шутланать - «Харпăр хăй пÿлĕмĕ» /«Личный кабинет»/ сервис йĕрке

Яманакри 8 çул вĕренмелли шкул хыççăн Н.Юманов Шупашкарти педагогика училищинче «ĕç тата черчени учителĕ» специальноçа алла илнĕ. Карайри вăтам шкулта виçĕ уйăх ĕçлесенех 1986 çулхи кĕркунне çар тумĕ тăхăннă. Çур çул Ашхабадпа Ферганара БМП-2 наводчик-операторне вĕреннĕ.

Муркаш районĕ 70 çулхи юбилейне паллă тăвать

Комсомольски районĕнчи Тукай ялĕ иртен-çÿрене хĕллехи вăхăтра та илемĕпе кăчăк туртать: яла пырса кĕнĕ çĕртех шурă-сенкер стеналлă, ылтăн куполсемлĕ чиркÿ мăнаçлăн курăнса ларать. Пысăк мар икĕ кÿлĕ çуллахи илĕртÿлĕхне сăнлаймаççĕ пулин те çывăхри йăмрасемпе çут çанталăк çураçуллă кĕтесĕ пулнине систереççĕ.

Хĕллехи уяр та пит-куçа самаях хĕмлентерекен сивĕ кун. Канаш районĕнчи Воронцовкăна çитсе курма тĕвĕленнĕ шухăшăма çанталăк та чараймарĕ. Акă чи хĕрринчи кил тĕлĕнче машинăран анса юлтăм та ял урамĕпе ерипен утатăп.

Чăваш патшалăх гуманитари ăслăлăхĕсен институтĕнче Раççей ăслăлăх кунне тата В.Д.Димитриев профессор çуралнăранпа 90 çул çитнине халалласа пĕтĕмлетÿллĕ сесси пуçланчĕ. Вăл нарăсăн 13-мĕшĕчченех ĕçлĕ.

Шупашкарта «Манăн пĕртен пĕр ача» проекта пурнăçа кĕртеççĕ. Унăн тĕллевĕ - аутизмпа чирлекенсене малтанхи тапхăртах реабилитацилесси.

Иртнĕ эрнере ЧР Сывлăх сыхлавĕпе социаллă аталану министерствин Хевтесĕр ачасемпе çул çитмен çамрăксене реабилитацилекен центрĕнче çак амакпа нушаланакансен ашшĕ-амăшĕпе специалистсем тĕл пулчĕç, пĕрле килĕштерсе ĕçлессипе çыхăннă ыйтусене сÿтсе яврĕç.

Нарăс уйăхĕн 11-мĕшĕнче Шупашкарта Василий Васильевич Николаев историк ученăйăн палăкĕ умне - вăл çуралнăранпа 75 çул çитнине халалласа - чечексем хунă.