Archive - 12 Утă, 2014

Михаил Игнатьев республика Пуçлăхĕ çумĕнчи экономика канашĕн ларăвне ирттерчĕ. ЧР транспорт тата çул-йĕр хуçалăхĕн министрĕ Владимир Филиппов Чăваш Енре çут çанталăк газĕпе мотор топливи вырăнĕнче ытларах усă курма пуçласси, техника хатĕрне газпа ĕçлеттерме пуçламалли пилот проекта хутшăнасси еплерех пынине пĕлтерчĕ.

Чăваш Ен Пуçлăхĕн 2012 çулхи чÿк уйăхĕн 2-мĕшĕнчи "Чăваш Республикинчи ял халăхне медицинăпа санитарин малтанхи пулăшăвĕпе тивĕçтерессине çĕнетсе улăштармалли хушма мерăсем çинчен" 124-мĕш Указне пурнăçласа 2013 çулта пирĕн хутлăхра хальхи йышши 22 фельдшерпа акушер пункчĕ хута кайнă.

Юхмапа Пăла тăрăхĕнчи 56 ялăн хавалĕпе мехелĕ алăри пилĕк пÿрне пекех расна: пĕрисем пĕр-пĕринпе хутшăнмасăр пурăнаççĕ, теприсем пĕр çемьери пекех туслă - пуррине те, çуккине те çурмалла уйăраççĕ, савăнăç-хуйхине те пĕрлех пайлаççĕ.

Ĕмĕр пурăнса ирттернисем урăх çын йăнăшĕнчен вĕренме хушнă. Анчах пурнăçра нумайăшĕ хăйĕн йăнăшĕнчен пĕтĕмлетÿ тăвать. Çĕр надзорĕ енĕпе ирттернĕ тĕрĕслевсен пĕтĕмлетĕвĕ те çакна çирĕплетет.

Пулăхлă çĕр автостоянка валли мар

Савăк кăмăлĕпе, тапса тăракан хастарлăхĕпе тÿрех хăйсен енне çавăракан çын кашни ялтах пур. Çавсен йышĕнчи пултаруллă арçынпа паллаштарас килчĕ вулакансене. Унпа тĕл пулма ятарласа Чатукасси тăрăхĕнчи Çĕнĕ Выççăлккă ялне çитрĕм.

Иртнĕ ĕмĕрĕн 30-мĕш çулĕсенче комсомол чĕнĕвĕпе Совет Союзĕнче спортăн темиçе енне пĕрлештерекен, çынна, уйрăмах çитĕнекен ăрăва, тĕрлĕ енлĕ аталанма пулăшакан хăватлă юхăм - ГТО комплексне пурнăçласси - вăй илме пуçланă.

Этем чи малтан алла вĕрентнĕ чĕр чунран пĕри - йытă. Вăл кил-çурта хураллама, енлĕк тытма пулăшнă. Унпа пĕрлех лаша та çынпа çывăхланнă. Вăл пурнăçра ку ĕмĕрчченех пысăк вырăн йышăннă. Çакна Санкт-Петербургра Пĕрремĕш Петĕр патшана, Мускавра Георгий Жуков маршала хисеплесе лартнă пăхăр палăксем те лайăх çирĕплетеççĕ.

Иртнĕ ĕмĕрĕн 70-мĕш çулĕсенче виçĕ Арапуç / Вăрмар районĕнчи Арапуç, Юхмапа Пăла тăрăхĕнчи Аслă Арапуçпа Кĕçĕн Арапуç/ тĕл пуласси çирĕп йăлара пулнă. Вĕсем пĕр-пĕрин патне кайса çÿренĕ, çитĕнĕвĕсемпе паллашнă, концертпа, спектакльпе савăнтарнă. Ял çыннисем ырă çак йăлана халĕ малалла тăсас хевтеллĕ.