Archive - 10 Раштав, 2014

10 Раштав, 2014

Раççей - вăйлă çĕршыв

Владимир Путин Президентăн Çырăвне хаклаççĕ

Михаил ИГНАТЬЕВ, Чăваш Республикин Пуçлăхĕ:

- РФ Президенчĕ Владимир Путин хăйĕн кăçалхи Çырăвне пĕтĕм тĕнчери политикăран, тĕрлĕ çĕршыв Раççей тĕлĕшпе йышăннă санкцисенчен пуçларĕ. Çав вăхăтрах вырăс халăхĕн кăмăл-сипет хăвачĕ, патриотизмĕ мĕнешкел пысăккине палăртрĕ. Вырăс халăхĕ хăйне хĕсĕрлеме пуçласан яланах çĕнтернĕ.

10 Раштав, 2014

Ялан асра пулмалла

Тăван çĕршывăн Аслă вăрçинче 208 пин чăваш çапăçнă. Вĕсенчен кашни иккĕмĕшĕ каялла тăван тăрăха таврăнайман. Паян республикăра çав юнлă вăрçа хутшăннă 31 пин çын пурăнать. Пирĕн пуласлăхшăн кĕрешсе пуç хунă салтаксен ятне асра хăварас, чĕрĕ юлнисене пулăшас тесен тата мĕн тумалла? Çакăн çинчен калаçнă та Раççей Президенчĕн Атăлçи округĕнчи полномочиллĕ представителĕ Михаил Бабич Шупашкарта ирттернĕ канашлура. Унта республика Пуçлăхĕ Михаил Игнатьев, Иван Моторин премьер-министр, район администрацийĕсен ертÿçисем, ытти яваплă çынсем хутшăннă.

10 Раштав, 2014

Тупăш илес тесен тăкакна шутла

Чăваш ĕлĕкренех сысна усранă. Ваттисем каланă тăрăх - ялта сысна кĕтĕвĕ те пулнă. Ĕне, сурăх пекех вĕсем те уй-хире тухнă. Эпĕ астăвасса урамра та çÿретчĕç вĕсем. Е çумăр хыççăнхи кÿленчĕксенче чунĕсене кантаратчĕç, е сăмсипе çĕре чавалатчĕç. Паллах, кунашкал ÿкерчĕке халĕ ялсенче кураймăн.

Ун чухне кашни çемье аш-какай валли икĕ-виçĕ сыснаран кая тытман. Ара, çемье те йышлă пулнă. Килсерен сак тулли ача-пăча-çке. Аш пулсан вара яшка та тутлă.

10 Раштав, 2014

«Ĕçсĕр лартмаççĕ, кĕрештереççĕ»

Тăвай районĕнчи Лачкассине эпĕ клуб ыйтăвĕпе ятарласа çула тухманччĕ. Тăрмăш ял тăрăхĕн администрацийĕнче вăл пĕчĕккисен йышĕнче терĕç те çитсе килме шухăш çуралчĕ. "Халăхĕ клуба çÿрет, малалла та çÿресшĕн. Ăна хуптарасшăн мар та ... пире итлемеççĕ вĕт", - пĕлтерме васкарĕç лавккана пынă çынсем ялти пурнăçпа кăсăклансан.

10 Раштав, 2014

Ăшă йăва

Елена Евлампьева 2006 çулта мăшăрне çухатнă. Хĕрĕпе Наташăпа çеç тăрса юлнă. Çапах пуçне усман вăл. Тăватă пĕртăвана хăй хÿттине илнĕ. Анатолий, Ангелина, Алексей тата Никита телей тупнă Евлампьевсен çуртĕнче. Елена Владимировнăна ачасен амăшĕ темелле. Хăй вара воспитатель ĕçне пурнăçлать.

Пур - пĕрле, çук - çурмалла

10 Раштав, 2014

«Пушăлла уттармаççĕ»

Вăтам çулсенчи хĕрарăм велосипед çине ларнă та аслă урампа вĕçтерсе пырать. Хулпуççийĕ урлă пысăк сумка. Пирĕн тĕле çитсен «хурçă учĕ» çинчен вăшт кăна сиксе анчĕ.

Pages