Archive - Чÿк 2014

Елчĕк почтамчĕн пуçлăхĕ Петр БЛИНОВ - ăслă та анлă тавракурăмлă çын. Пурнăçĕ тăршшĕпех халăхпа тачă çыхăну тытса ĕçлекенскер пĕтĕм йывăрлăха унпа пĕрле чăтса ирттерет, савăнăçне те çынсемпех пайлать. Петр Александрович кашни çĕнĕ куна хаçат-журналпа паллашнинчен пуçлать.

Çулталăк пуçланнăранпа республикăра коррупципе çыхăннă 377 преступление регистрациленĕ. Следстви ирттернĕ май çав ретри преступленисене тунă 125 çынна тупса палăртнă. Вĕсенчен 14-шĕ саккуна ушкăнпа каварлашса пăснă.

Взяткăпа çыхăннă преступленисем - 134: 105 тĕслĕх - взятка илни, 29 - взятка пани. Уголовлă кодексăн 290 статйипе пăхнă преступленисенчен ытларахăшне вĕрентÿ сферинче тăрă шыв çине кăларнă - 66 çын явап тытать. Право хуралĕпе çыхăннă ĕç-хĕлре - 23, медицина сферинче - 5 çын.

11 ача ÿстернĕ Суйкка аппа халĕ те чăваш кĕпипех çÿрет

Чăваш патшалăх ÿнер музейĕ çак кунсенче хăйĕн çитмĕл пиллĕкмĕш кĕрне кĕтсе илчĕ. Шăпах çавăн чухлĕ çул каялла йĕркеленĕ ăна. 1939 çулта Республика тавра пĕлÿ музейĕн ÿнер пайĕнчен Чăваш патшалăх ÿнер галерейи туса хунă.

Ĕçпе тивĕçтерекен центрта учетра тăнă тапхăр страховани стажне кĕрет-и?

О.КРЫЛОВА Канаш хули.

Ĕçсĕрлĕх пособине илсе тăнă, общество ĕçĕсе­не хутшăннă, ĕçлев службин органĕ янипе ĕçе вырнаçмашкăн ытти вырăна куçса каяссипе çыхăннă тапхăр страховани стажне кĕрет.

Хĕле кĕнĕ майăн выльăхсене апатлантармашкăн утă-улăм çĕклеме лăпă е карçинкка кирлĕ. Пасарта вĕсем йÿнех мар. Ялсенче лăпă çыхакан ăстасем ватăлса пынипе лăпă тăвакансем çук. Çак ĕçе ÿкерчĕксемпе кăтартса, çырса пичетлесессĕн аванччĕ.

Ĕнен пăруличченхи сума пăрахтарнă вăхăчĕ мĕн чухлĕ кирлĕ-ши?

Т.КВАСОВА. Йĕпреç районĕ..

Сырлан /облепиха/ пысăках мар йывăç-тĕм. Унăн çÿллĕшĕ 2-3 метр пулать. Вăл 60 çула яхăн пурăнать. Сырланăн аçа тата ама тĕмĕсем пур. Çавăнпа ăна вăрăран ĕрчетме ансатах мар. Хăш-пĕр тĕм аçа пулать, кунашкал тĕм çырла пачах та памасть.