Archive - 13 Чÿк, 2014

Ноябрĕн 10-мĕшĕнче ЧР Правительствин Председателĕ Иван Моторин РФ строительство министрĕ Михаил Мень видеоконференци мелĕпе ирттернĕ пĕтĕм Раççейри селектор канашлăвне хутшăннă. Унта федераци субъекчĕсенче граждансене юхăннă çуртсенчен куçарас ĕç мĕнле пынине пĕтĕмлетнĕ.

М.Мень палăртнă тăрăх - 2014 çулта çĕршывра пĕтĕмпе 211 пин çынна кивĕ çуртсенчен куçармалла. Чылай регион ку енĕпе ăнăçлă ĕçлет. Анчах юлса пыраканнисем те пур. Вĕсен шутĕнче - Тверь, Тула, Иваново, Волгоград облаçĕсем, Коми, Дагестан республикисем тата ыттисем.

Октябрь уйăхĕн 30-мĕшĕнче Шупашкарти коопераци институтĕнче "Хальхи вăхăтра çĕршывăн апат-çимĕç хăрушсăрлăхне тивĕçтерессипе çыхăннă йывăрлăхсем тата потребительсен кооперацийĕн тĕллевĕсем" ыйтупа "çавра сĕтел" иртрĕ. Унта Раççей коопераци университечĕн, унăн Шупашкарти, Хусанти, Саранскри, Мичуринскри институчĕсемпе филиалĕсен профессорĕсемпе преподавателĕсем, патшалăхпа муниципалитет органĕсен тата коопераци организацийĕсен ĕçченĕсем хутшăнчĕç.

Ноябрĕн 16-мĕшĕнче кăвар чĕреллĕ поэтăмăр Çеçпĕл Мишши çуралнăранпа 115 çул çитет. Çак сăвăçа чăваш чĕлхин шăпи питĕ шухăшлаттарнă. Тăван сăмах, чĕлхе пĕлтерĕшĕ пирки вăл çапла çырнă: «Вăхăт çитĕ. Чăваш чĕлхи те тимĕр татĕ. Çивĕч пулĕ. Хĕртнĕ хурçă пек пулĕ.

«Фармация» ПУП, республикăри чи пысăк аптека сечĕ, 90 çулхи юбилейне паллă турĕ. «90 çул вăл - мухтанма юракан ÿсĕм. Паян пире опытшăн, шанчăклăхшăн тата ят-сумшăн шанаççĕ», - терĕ уявра Валерий Филимонов генеральнăй директор.

«Вăйлă пулни, яваплăха туйни кăна çителĕксĕр, йĕркелĕх хуралçишĕн çынлăх та кăтартуллă пулмалла», - çапларах палăртнă Елчĕк районĕнчи Кивĕ Эйпеç шкулĕнче вĕренекен Настя Сусметова ЧР Шалти ĕçсен министерствин общество канашĕ йĕркеленĕ конкурса хутшăнса çырнă сочиненийĕнче.

Е çав сăмаха аса илсен халь те чун кисренет

Ырă влаç ырă ĕçсем тăвать. Ырă марри - ырă мар ĕçсем.

Çапла пулнă, çапла пулать те. Пурнăç!

Венгрири Будапешт хулинче панкратион енĕпе тĕнче ăмăртăвĕ иртнĕ. Çамрăк спортсменсен пысăк турнирне планетăри чи вăйлă вуншар хĕрпе каччă хутшăннă.

Пĕтĕм Раççейри Халăх фрончĕн иккĕмĕш форумĕ кăçалхи ноябрĕн 17-18-мĕшĕсенче Мускавра иртет. Общество активисчĕсен конференцийĕнче 2014 çула пĕтĕмлетĕç, çĕршывăн социаллă пурнăçĕпе экономика аталанăвĕн çĕнĕ çул-йĕрне палăртĕç.

Авалтан чăваш халăхĕ пултаруллă та ăста тĕрĕçĕсемпе палăрнă. Вĕсем тĕрĕ искусствине упраса хăварма тата чĕртсе тăратма пултарнă.

Халăх йăли-йĕркине, культурине аталантарас тĕллевпе Етĕрнери ÿнерпе тавра пĕлÿ музейĕнче «Хальхи çи-пуç çинче чĕрĕлнĕ чăваш эрешĕсем» курав уçăлнă.

Чăваш Республикин Патшалăх Канашĕ 2015 çулхи планпа пăхнă 2016 тата 2017 çулсенчи бюджета проекчĕ пирки халăх итлевне ирттерчĕ. Ку - парламентăн черетлĕ сессийĕн кун йĕркине кĕртес умĕн тунă юлашки утăм.