Культура çулталăкĕнче Чăваш кĕнеке издательствин ĕçченĕсем паха вун-вун кĕнеке кăлараççĕ. Çак кунсенче, сăмах май, Республика кунĕ умĕн, тепĕр кăларăм - «Государственные символы Чувашской Республики: история создания, проекты, документы и материалы» /авторĕ Сергей Щербаков/ - кун çути курчĕ.
Чăваш Ен тĕп хулинче РФ Президенчĕн «Раççей Федерацийĕнче Культура çулталăкне ирттересси çинчен» Указне пурнăçа кĕртес тĕлĕшпе федерацин Атăлçи округĕнчи субъектсен паха опытне палăртас тата ыттисен хушшинче сарас тĕлĕшпе конференци иртни пирки хаçатра çырнăччĕ.
Куславкка районĕнчи культура ĕçченĕсем те Культура çулталăкĕнче хастарлăха ÿстернĕ. Славян çырулăхĕпе культурине уявланă кунсенче кунта хор ассамблейи иртнĕ. Районта Пĕтĕм Раççейри хор обществин пуçламăш уйрăмне йĕркеленĕ. Ăна ертсе пыма Чăваш Республикин культурăн тава тивĕçлĕ ĕçченне Диляра Стуловăна шаннă.
Раççей культурăн тава тивĕçлĕ ĕçченĕ Анатолий Музыкантов ертсе пыракан "Сувар" халăх ансамблĕ Культура çулталăкне халалласа ирттерекен мероприятисене хастар хутшăнать. Акă нумаях пулмасть вăл Пенза патшалăх университетне çитсе килнĕ. Унта, ЮНЕСКО пуçарăвĕпе, студентсен Пĕтĕм тĕнчери "Культура калаçăвĕ" форумĕ виççĕмĕш хут иртнĕ.
Чăвашла верси
Русская версия
