Кун хыççăн кун

Кам тетĕр-и? Çĕнĕ Шупашкар пики Татьяна Николаева. Вăл Раççейри паллă артистсемпе Полина Гагаринăпа, Егор Кридпа тата DJ Smashпа пĕрле клипра ÿкерĕннĕ.

Иртнĕ шăматкун сусăрсем Атăл хĕррине пулă тытма пуçтарăннă. Çакнашкал фестивале Чăваш Енре маларах та йĕркеленĕ. Кăçал вара унта Мари Эл пулăçисем те килсе çитнĕ.

Пулă тытассипе арçынсем çеç мар, хĕрарăмсем те кăсăкланни палăрать. Çак ĕç вĕсемшĕн те чун киленĕç пулнине каланă вĕсем. Фестиваль вăхăтĕнче тĕрлĕ конкурс ирттернĕ, концерт йĕркеленĕ, шÿрпе пĕçернĕ. Мероприяти пуриншĕн те хаваслă иртнĕ.

 

Пулать вĕт: иртнĕ эрнере Шупашкарта пурăнакан 34-ри арçын çур çĕр çитеспе Атăл урлă ишсе каçма шухăш тытнă. Тĕп пляжран сулахай çыран еннелле ишме пуçланăскере вăйлă юхăм илсе кайма тытăннă.

Чăваш Енри Шалти ĕçсен министерстви тата "Динамо" физкультурăпа спорт обществи сăвă конкурсĕ ирттерет. Унта служба тивĕçне пурнăçланă чух пуçне хунă йĕрке хуралçисене халалласа çырнă 12-16 йĕркеллĕ сăвăсене йышăнаççĕ. Конкурс çурла уйăхĕн 1-мĕшĕччен пырать.

Pages

Subscribe to Кун хыççăн кун