Кун хыççăн кун

Эрнекун, утă уйăхĕн 21-мĕшĕнче, Сочири "Сириус" вĕренÿ центрĕнчи пултаруллă ачасемпе çĕршыв Президенчĕ Владимир Путин тĕлпулнă. 10-17 çулсенчи ачасем унта "Наука", "Искусство" тата "Спорт" енĕпе вĕренеççĕ.

Ĕнер каçхине Канашри Ленин урамĕнчи 27-мĕш çурт стени çуркаланса кайнă. Унта пурăнакансенчен 21 çынна эвакуациленĕ. Вĕсенчен 14-шĕ тăванĕсем патĕнче хÿтлĕх тупнă, тепĕр 7 çынна (çав шутра тăватă ача пур) "Заря" гостиницăна вырнаçтарнă.

ЧР строительство, архитектура тата çурт-йĕрпе коммуналлă хуçалăх министрĕ Владимир Михайлов килессе кĕтсе паян Шупашкарти Афанасьев урамĕнчи 14 çуртăн иккĕмĕш позицийĕ умне пая кĕрсе туяннă çĕнĕ хваттерсене паян-ыран куçма хатĕрленекенсем йышлăн пухăннă.

Владимир Юрьевича çынсем çăмăл автомашинăран тухнă-тухман сырса илчĕç. Кашнин хăйĕн нуши, татăлман ыйтăвĕ. «Синяя птица» микрорайонта çуртсем çĕклекен «Ютон» тулли мар общество директорĕ Юрий Ватлин та кунтах.

Pages

Subscribe to Кун хыççăн кун