Кун хыççăн кун

24 Jan, 2018

Ял шкулĕсенче «Чăваш Ен сăнĕсем» галерея уçăлĕ

Шупашкарти «Асамат кĕперĕ» культурăпа курав центрĕн «Чăваш Ен сăнĕсем» проекчĕ Раççей Федерацийĕн Президенчĕн грантне çĕнсе илнĕ.

Çитĕнекен ăрăвăн граждан позицине йĕркелес тĕллевпе пуçарнă проекта Чăваш Республикин вĕрентÿпе çамрăксен политикин министрĕн тивĕçĕсене пурнăçлакан Сергей Кудряшов уçнă. Проекта хутшăнакансене — республикăри пĕтĕмĕшле пĕлÿ паракан 21 учреждени ертÿçине — сертификат панă.

24 Jan, 2018

Кредитшăн пĕчĕккĕн тÿлĕпĕр

Министрсен Кабинечĕн юнкунхи черетлĕ ларăвăн кун йĕркинчи тĕп ыйтусен шутĕнче вара республикăн бюджет кредичĕсене реструктуризацилессипе çыхăннă килĕшÿсем тăвасси пулчĕ.

24 Jan, 2018

Фонд пуçарусене те пулăштăр

Министрсен Кабинечĕн паянхи черетлĕ ларăвĕнче самай калаçтарнă ыйту общество инфратытăмĕн аталанăвĕн вырăнсенчи пуçарусемпе сăлтавланнă проекчĕсем валли муниципалитетсене субсиди парасси пулчĕ.

24 Jan, 2018

Хаклă портрет

Хаçат-журнала чылайранпа хулари Грасис урамĕнчи пĕр киоскра туянатăп. Пĕррехинче унта Сталинăн портретне асăрхарăм та туянма шухăшларăм.

— Сутмалли мар вăл, — татса хучĕ сутуçă. — Хама та çар тумĕ тăхăннă çын парнелесе хăварчĕ, курăнакан вырăна çакма ыйтрĕ.

— Кам парнеленине чухлатăп. Вăл ман çурта хирĕç пурăнать. Паллă уявсенче балкон çине хĕрлĕ ялавпа пĕрле Сталин портретне те çакать, — ăнлантартăм эпĕ.

Pages