Вăрнарти техника инвентаризацийĕн бюровĕн экс-директорĕ арăмĕшĕн тăрăшнине пула ята çеç мар, тĕпчевçĕсен куçĕ тĕлне те лекнĕ. Ун тĕлĕшпе РФ Следстви комитечĕн республикăри управленийĕн Çĕмĕрлери районсем хушшинчи тĕпчевçисем уголовлă ĕç пуçарнă.
Патăрьел район прокуратури 23 çулти каччăн правине хÿтĕлессишĕн суда çитнĕ. Пулăшу ыйтса надзор органне çамрăк хăй кайнă. Унта вăл тăлăх пулин те хваттер паманнине пăшăрханса пĕлтернĕ.
Чăваш Енри нумай ачаллă çемьесене çĕр парасси малалла пырать. Çулталăк пуçланнăранпа 329 çемье тÿлевсĕр çĕре тивĕçнĕ.
Аса илтеретпĕр, виçĕ е ытларах ачаллисене çурт-йĕр çавăрма, дача е хушма хуçалăх евĕр усă курма çĕр уйăрасси пирĕн тăрăхра Чăваш Ен Пуçлăхĕн 2011 çулхи ака уйăхĕн 1-мĕшĕнчи Хушăвĕпе килĕшÿллĕн пурнăçланса пырать.
Ака уйăхĕн 15-мĕшĕнче Чăваш Енре "Экологи хăрушсăрлăхĕнчен хÿтĕленмелли кунсем" акци пуçланĕ. Çĕршывĕпех çулсерен иртекен мероприятие пирĕн патра та хутшăнассине паянхи Правительство ларăвĕнче сÿтсе явнă.
Чăваш Енĕн Патшалăх Канашĕн депутачĕ Юрий Шлепнев тĕлĕшпе пуçарнă уголовнăй ĕçе мировой суда ярса панă. Кун пирки паян республика прокуратури хыпарлать.
Чăвашла верси
Русская версия
