"Хыпар" Издательство çуртĕнче тухса тăракан ачасемпе çамрăксен кăларăмĕсен - "Тантăш" хаçатăн, "Тетте" тата "Самант" журналсен - ырантан пĕр редактор пулĕ. Ку тивĕçе пурнăçлама унччен "Çамрăксен хаçатĕнче" корреспондентра ĕçленĕ Алина Измана шаннă.
РФ Следстви комитечĕн Чăваш Енри управленийĕ Youtube медиахостингра канал уçнă.
Управлени ертÿçин аслă пулăшуçи Олег Дмитриев пĕлтернĕ тăрăх, çĕнĕ утăма халăхпа тачă çыхăнса ĕçлемелли çĕнĕ те тухăçлă меслетсем шыранă май тунă. Унччен те управлени халăх сечĕсенче аккаунтсем йĕркеленĕ: 2011 çулхи çy уйăхĕнче "Twitter"-та уçнă, пĕлтĕр - "ВКонтакте", "Facebook" тата "Инстаграм" сетьсенче.
Православи тĕнне ĕненекенсем валли Чăваш кĕнеке издательствинче чăвашла виçĕ кĕнеке кун çути курнă. Вĕсене В.Г. Григорьев хатĕрленĕ. Кăларăмсене пиншер экземплярпа пичетленĕ.
Иртнĕ эрнеренпе, пуш уйăхĕн 10-мĕшĕнченпе, Çĕрпÿ район администрацийĕн пуçлăхĕн тивĕçěceне Алла Волчкова пурнăçлать. Çывăх вăхăтра райадминистраци пуçлăхне палăртмалла.