Паян «Çамрăк лидерсен команди» конкурса пĕтĕмлетрĕç. Аса илетерер: ăна ЧР Пуçлăхĕн тивĕçĕсене вăхăтлăх пурнăçлакан Олег Николаев пуçарăвĕпе ирттерчĕç. Ăна çамрăксене социаллă пурнăç, экономика, обществăпа политика тытăмĕсенче ертÿçĕ должноçĕнче ĕçлеме илĕртес тĕллевпе йĕркеленĕ.
Аваллăхсăр пуласлăх çук. Вăрнар районĕнчи Хапăсра пурăнакан Альбина Иванова килтех музей йĕркеленĕ.
— Аслă ăрарури тăванăмсем усă курнă ĕç хатĕрĕсене кăларса ывăтмашкăн алă çĕкленмест. Вĕсем халăх культурин пайĕ, — палăртать Альбина Александровна.
Килти музейра — çăпата, йывăç алтăр, лаша пĕкки, ухват, урапасем… Шел, çамрăк ăру çак хатĕрсемпе мĕнле усă курмаллине пĕлмест. Альбина Иванова вĕсене пĕтĕмпех, кăтартĕ, ăнлантарĕ. Чăваш кун-çулне сăнлакан япаласем аваллăхпа паянхи куна çыхăнтараççĕ.
«Ĕмĕр пурăн — ĕмĕр вĕрен», — теççĕ. Петр Корняков çак ваттисен сăмахне ăша хывнă та И.Я.Яковлев ячĕллĕ Чăваш патшалăх педагогика университетне çул тытнă. Вăл истори, управленипе право факультечĕн студенчĕ пулса тăнă. Çак кунсенче Петр Васильевич аслă шкул дипломне илнĕ.
Петр Корняков 61-ре. 5 çул каялла йăх кун-çулне тĕпченĕскер ăслăлăхпа кăсăкланнă. Çапла вăл историпе педагогика пĕлĕвĕ илме шут тытнă. Петр Васильевич ППЭ тытнă, университета тÿлевсĕр вĕренме кĕнĕ.
«Эп чăваш ачи, эп Батыревăран», — тесе тĕлĕнтерчĕ Бахтияр Умиров калаçу пуçламăшĕнчех. Туркменистан каччи И.Н.Ульянов ячĕллĕ ЧПУн ют чĕлхесен факультетĕнче пĕлÿ пухнă. Иртнĕ эрнере диплом ĕçне хÿтĕленĕскер Чăваш Республикинчех тĕпленесшĕн.
Паян пултаруллă ачасемпе çамрăксен «Эткер» центрĕн ăслăлăх лабораторийĕсене уçрĕç. Авăн уйăхĕн 1-мĕшĕнче вăл пĕрремĕш вĕренекенĕсене йышăнĕ.
Чăвашла верси
Русская версия
