Çĕршыври 40 пине яхăн вĕрентекен Пĕтĕм Раççейри экологи проектне хутшăнать. «Экокласс» шкул ачисен экологи пĕлĕвне ÿстерме тивĕç. Уроксене вара çĕршывăмăр мĕн пур регионĕнче пурăнакан 2 миллиона яхăн ача хутшăннă.
Вĕсем патне шанчăка çухатнисем пулăшу шыраса çитеççĕ. «Çын хуйхине ăнланса йывăр лару-тăруран тухмалли çул-йĕр шыратпăр», — тет Чăваш Енри «Ырăлăх тĕнчи» организаци ертÿçи Татьяна Бочкарева. 2014 çулта йĕркеленнĕ пĕрлешĕвĕн ĕçĕ курăмлă та пысăк пĕлтерĕшлĕ. Хастарсем çын пурнăçне çăлаççĕ, ачасене йывăр чирпе кĕрешме пулăшаççĕ, тÿрĕ çулран пăрăннисене ал параççĕ.
Чулхулара пурăнакан Святослав Кривцов Çĕнĕ Шупашкарпа пĕлтĕр паллашнă. Арçын ача лаша спорт манежĕнче иртнĕ ăмăртăва хутшăннă. Святослав 12-ре. ДЦПпа чирлĕскерĕн пуплевне амăшĕ çеç ăнланать. Çапах Иринăпа Святослав нихăçан та хăйсем пирки: «Эпир телейсĕр», — теес çук.
Чăваш Енре наркăмăшлă çĕлен сăхнă тĕслĕх нумайланнă. Республика больницисене суранланнă 6 çын пулăшу ыйтса çитнĕ. Роспотребнадзор пĕлтернĕ тăрăх, сурансем тарăн пулман.
Шупашкарта пурăнакансем ШĔМĕн çĕнĕ зданийĕпе Суту-илÿ çурчĕ хушшинчи çул ятне палăртаççĕ. Вăл Карл Маркс тата Ярославль урамĕсене çыхăнтарать. Муниципалитет порталĕнче уçă сасăлав пырать. Унта хутшăнакансем Чăваш Енĕн шалти ĕçсен органĕн паллă виçĕ сотрудникĕнчен пĕрне суйлаççĕ.
Чăвашла верси
Русская версия
