Ольга КАЛИТОВА.

8 Нарăс, 2021

Чи лайăх ăсчахсене чысларĕç

Паян И.Н.Ульянов ячĕллĕ Чăваш патшалăх университетĕнче Раççей ăслăлăхĕн кунне халалланă мероприятисем старт илчĕç. Аслă шкулта «Чăваш Республикин чи лайăх çамрăк ăсчахĕ» тата «Çулталăк аспиранчĕ» конкурссене пĕтĕмлетрĕç, çĕнтерÿçĕсене чысларĕç.

Вĕрентÿ
22 Кăрлач, 2021

Дежурствăра — студентсем

Чăваш Республикинчи аслă шкул студенчĕсем 4 кун йĕрке хуралĕнче тимленĕ. 18 хĕрпе каччă патрульпе пост службин сотрудникĕсемпе, ÇÇХПИ ĕçченĕсемпе пĕрле дежурствăна тухнă, йĕркене пăснă тĕслĕхсене шута илнĕ.

Вĕрентÿ
5 Кăрлач, 2021

Тÿрĕ эфирта кăтартĕç

Православи тĕнне ĕненекенсемшĕн Иисус Христос Çуралнă кунĕ чи пĕлтерĕшлĕ уявсенчен пĕри. Кăçал ăна Роспотребнадзор сĕнĕвĕсене шута илсе паллă тăвĕç.

Шупашкар-Чăваш Ен митрополичĕ Савватий раштав службине тĕп хуламăрти Введени соборĕнче ирттерĕ. Чăваш наци телекуравĕнче, «Контактра» соцсетьри «Православиллĕ Чăваш Ен» ушкăнра тÿрĕ эфирсем пулĕç.

Трансляци кăрлачăн 6-мĕшĕнче 22 сехетре пуçланĕ те кăрлачăн 7-мĕшĕнче ирхи 2 сехетре вĕçленĕ.

Кун хыççăн кун
5 Кăрлач, 2021

Парне илме — троллейбуса

Кăрлачăн 6-мĕшĕнче Çĕнĕ Шупашкар урамĕсене асамлă троллейбус тухĕ.

54-мĕш маршрутпа çÿрекенскерте Хĕл Мучипе Юр пикене курма, вĕсене сăвăпа савăнтарма май пулĕ. Чи маттуррисене парнепе хавхалантарĕç.

Ятарлă троллейбусра билет туянмалла мар — вăл тÿлевсĕр турттарĕ. Асăнмалла, çакнашкал акци раштавăн 27-мĕшĕнче иртнĕ. Хула çыннисем пуçарăва ырласа йышăннă, ăна татах та ирттерме ыйтнă. Хула администрацийĕ сĕнĕве шута илнĕ. Харпăр хÿтĕлев хатĕрĕсем пирки ан манăр çеç — троллейбуса кĕртмĕç.

Кун хыççăн кун

Pages