Archive - 14 Раштав, 2017 - Тантăш

* Кадетсен балĕнчи асамлă юмах

* Çĕнĕ çул хаçачĕ

Сăмахăма пĕр тĕслĕхрен пуçлатăп: урамра амăшĕпе ачи утса пыраççĕ. Пĕчĕкки ăнсăртран ÿкет. Амăшĕ ăна йăтса илсе тумтирне тасатать те малалла каяççĕ. Ку — кулленхи пурнăçри пулăм. Анчах çакăн евĕрлĕ ÿкерчĕкĕн тĕрлĕ енĕ пур. Пĕри ачине ачашласа тăратать, тепри асăрханса утмаллине вĕрентсе калать, виççĕмĕшĕ пепки хăех тăрасса кĕтет. Ашшĕ-амăшĕн туйăмĕ хăш-пĕр чухне ытларах ачашлăх çуратать. Кĕçĕнни çакăнпа усă курма пăхать те: мĕн те пулсан килĕшмерĕ тĕк выртса тапкаланса хăратать.

Ача чухне кам пулма кăна ĕмĕтленместĕн-ши? Повар, тухтăр, агроном, вĕрентекен, летчик, полици ĕçченĕ… Паянхи шкул ачисен сочиненийĕсемпе паллашсан чылайăшĕ журналист ĕçне кăмăллани сисĕнчĕ. Вĕсене тĕрлĕ паллă çынпа паллашасси, нумай хула-района тухса çÿресси кăсăклантарать иккен. Хăйсене мĕн пăшăрхантарнине те палăртма тăрăшнă вĕсем. Паян сире хăшĕ-пĕрин шухăшĕпе паллаштарăпăр.

Шупашкарти 9-мĕш ача садне çÿрекен вăтам ушкăнти ачасем кайăксене юратаççĕ. Хĕл çитес умĕн вĕсем çунатлă туссем валли экосырăшсем ăсталарĕç. Картонран касса кăларнă «чĕресене» çăнăхран пĕçернĕ çилĕм сĕрчĕç, кайран вĕсене кĕрпепе илемлетрĕç.

Кашни ача хăйне май хитре сырăш ăсталарĕ. Халь ĕнтĕ кайăксем сивĕ хĕл кунĕсенчен хăрамĕç, мĕншĕн тесен вĕсене 9-мĕш ача садĕнчи экосырăшсенче тутлă апат-çимĕç кĕтет.

Эпĕ Патăрьел районĕнчи Çĕньялти вăтам шкулта 5-мĕш класра вĕренетĕп. Нумаях пулмасть эпир Амăшĕн кунне паллă турăмăр. Концерт лартрăмăр. Эпĕ юратнă анне пирки сăвă каларăм. Халь ачасен юратнă уявĕ — Çĕнĕ çул — çывхарать. Кашни шкултах, паллах, уява хĕрсе хатĕрленеççĕ.

Хăш чухне самантлăха та пулин иртнĕ ĕмĕрсенчи илемлĕ балсене лексе курас килет. Кинофильмсенче вĕсене мĕнле хитре сăнлаççĕ-ха та… Телее, ку пурнăçланайми ĕмĕт мар. Шупашкарти Ача-пăча пултарулăхĕн керменĕнче çулсеренех Кадетсен Георгий балĕ иртет.