Archive - 7 Çу, 2015 - Çамрăксен хаçачĕ

Хĕлле Сăртан шыв ĕçсен те чирлемен

Вĕсене куççуль кăлармасăр итлеймĕн

Çерем çинче вылярĕ çиçĕм

Чăваш иккенне çамка çине çырса хунă

Вĕсен паттăрлăхĕ вилĕмсĕр

Чăваш каччи танкра чутах çунса кайман

Савни аллинчи тутăсăр чей те кăмăла каять

Шăна çиен кушак тесеччĕ

Хусан çийĕн вĕçрĕç тĕрĕксен янравлă сăввисем

Вăрнар районĕнчи Юпшик Ялтăра ялĕнче çуралнă Ольга Африканова Аçăмçырминче тĕпленнĕ мăнукĕн çемйинче пурăнать. Унта - куç тулли савăнăç. Пÿрте мăнукĕн виçĕ ачин сасси хаваслăхпа тултарать.

Вăрçă нушипе асапланнă ватă çынсене итленĕ май пирĕн куçра капланнă йăлтăрккасем, вĕсем тÿснипе танлаштарсан, тав куççулĕ кăна. Шăла çыртса чăтнă, анчах каялла чакман, наянлăх мĕнне пĕлмен, фронтра арçынпа тан алла пăшал тытса, тылра этемлĕхĕн вăйлă çурри вырăнне куççуль тути калакан тăварлă тара юхтарса Çĕнтерĕве çывхартнисем... кĕтсе илнисем... çамрăклăхра хĕрарăм черченлĕхне туйма ĕлкĕреймесĕрех ватăлма тивнисем...

“Атте ĕнене лаша вырăнне кÿлсен макăртăм”

Аслă Çĕнтерÿ 70 çул тултарнине халалласа Чăваш патшалăх çамрăксен театрĕ «Çерем çинчи çиçĕм» трагикамит хатĕрлерĕ. Премьерăна артистсем апрелĕн 29-мĕшĕнче куракансем патне çитерчĕç. Пьеса авторĕсем - Анатолий Хмытпа Вячеслав Оринов.

Вăрнар районĕн администрацийĕн вĕренÿ пайĕн пуçлăхĕ Маргарита Тихонова патне янă çырăва илтĕмĕр. Ăна пирĕн пата та çитернĕ май пичетлеме йышăнтăмăр.

Кашни çемьен хăйĕн паттăрĕсем. Пирĕн асатте-асанне, кукаçи-кукамай Тăван çĕршывăн Аслă вăрçинче çапăçнă... Пĕрисем хаяр çак 4 çула утса тухнă, теприсем юнлă çапăçура пуç хунă...

Хĕрлĕ Чутай районĕнчи Кĕрлев ялĕнче çуралса ÿснĕ, халĕ Шупашкарта пурăнакан 96 çулти Алексей Яковлевăн хăйĕн ĕмĕрĕнче темĕн те курма тивнĕ. Ветеран виçĕ вăрçă вут-çулăмĕ витĕр тухнă.

Хаяр вăрçă чылай çемьене нуша кăтартнă, ачасене ашшĕсĕр, хĕрарăмсене мăшăрсăр хăварнă. Вăрнар районĕнчи Аçăмçырминче пурăнакан Михаил Никифоров та çамрăклах ашшĕсĕр тăрса юлнă. Çемье пуçĕ Ленинград блокадинче пуç хунă.

Красноармейски районĕнчи Кÿлхĕрри ялĕнче пурăнакан Анна Ефремова «Çамрăксен хаçатне» çырăнса илет. 92-ри кинемей куçлăхсăрах вулани тĕлĕнтерчĕ. Килĕштернĕ кăларăм корреспонденчĕ килнĕшĕн вăл чунранах хĕпĕртерĕ, хăйĕн кун-çулĕпе паллаштарчĕ.

Хĕрпе каччă тĕл пулса хăйне евĕр çурт купалать: мăшăрланать, йăха тăсмашкăн çут тĕнчене ача илсе килет... Çуртра шăпăрлансен сасси янăрать, тăнăçлăх, килĕшÿ хуçаланать. Кунран ырри мĕн пур-ши? "Юратушăн чăрмав çук", - тенĕ. Тĕрĕсех мар-и ку?