Archive - 5 Чÿк, 2015 - Çамрăксен хаçачĕ

«Тĕллеве пурнăçлас тесен чăтăмлăхпа тăрăшулăх кирлĕ», - тет вунпĕрмĕш класра вĕренекен Аня Гаврилова сăпайлăн. Шкул чысне ăмăртусенче, конкурс-олимпиадăра хÿтĕлесе çÿле çĕклекенскер кăçал ЧР Пуçлăхĕн стипендиатки пулса тăнă.

Ялти яшсемпе хĕрсене пĕр тĕвве пухать

Уроксене вăйă евĕр ирттерсе ачасене кăсăклантарать

“Тăван халăхăмран ниепле те уйрăлаймарăм”

Тухтăр дипломне илсен те сцена ытларах илĕртнĕ

Вĕсен ашшĕсем вăрçăран таврăнайман

“Çамрăксен хаçачĕн” пики

Хамăр хушăри пултаруллă çамрăксем çинчен хаçат вулаканĕсене куллен каласа кăтартас килет. Вĕсене курса ыттисем те тăван тăрăхшăн тăрăшчăр, халăхшăн пархатарлă ĕçсем туса хăйсем те аталанччăр.

Елчĕк районĕнчи Тăрăм тĕп шкулĕнче 70-е яхăн ача вĕренет. Вĕсене пĕлÿ тĕнчинче 10 учитель ертсе çÿрет. Вĕрентекенсенчен чи çамрăкки - 30 çулти Алексей Тихонов - шкулта 4 çула яхăн ĕçлет.

"Кушар", "Айтар", "Элкей таврашĕ" тата ытти вун-вун произведени авторĕ Петр Осипов РСФСР тава тивĕçлĕ врачĕ, медицина наукисен кандидачĕ, Чăваш АССРĕн сывлăх сыхлав министрĕ /1948/ пулни хăшне-пĕрне тĕлĕнтерет те ахăртнех.

Чăваш эстрадин тĕнчинче хăйĕн çулне шыракан кашни пиллĕкмĕш юрăç Елчĕк тăрăхĕнчен пулнинчен тахçанах тĕлĕнме пăрахрăм ĕнтĕ. Мĕншĕн тесен Патреккел шкулĕнче музыка вĕрентекен пысăк чунлă Геннадий Борисов ачасене тăван халăх юррине юратма мĕн пĕчĕкрен хăнăхтарать.

Тăван çĕршывăн Аслă вăрçи пин-пин çемьене кил хуçисĕр тăратса хăварнă - тăлăх арăмсенчен нумайăшĕ сак тулли ачи-пăчине хăйсемех ÿстерсе çын тунă. Куславкка районĕнчи Çĕньялта пурăнакан Лидия Васильевăпа Кутемерте кун кунласа çĕр çĕрлекен Нина Козловскаяна пĕр шăпа пĕрлештерет - вĕсен иккĕшĕн те ашшĕсем юнлă çапăçу хирĕнче выртса юлнă.

Канфет патне тесе тухса кайнă та

Эпĕ - София Иванова, 16 çулта. Элĕк районĕнчи Мăн Вылă ялĕнче çуралса ÿснĕ. Халĕ Шупашкарти Ф.Павлов ячĕллĕ музыка училищинче ăс пухатăп. Гороскоппа - Пулă.