Кăçал — Асăнупа Мухтав çулталăкĕ. Çавăн пекех Тăван çĕршывăн Аслă вăрçинче Çĕнтерÿ тунăранпа 75 çул çитет. Ылханлă çак вăрçă халăх асĕнче ĕмĕрлĕхех тарăн йĕр хăварнă. Çав вăхăтрах пирĕн çемьере те.
Вĕсен ятне-шывне асăнас теместĕп, мĕншĕн тесен чунĕсенче ыратупа пăшăрхану туйăмĕсене хускатас килмест. Виççĕшĕнчен пĕри тахçан хаçат-журналта ĕçленĕ, заметкăран пуçласа очерк таранах çырнă. Ваня тейĕпĕр ăна.
Пасар çынпа курнăçмалли, пуплемелли, паллашмалли чи лайăх вырăн тесен те йăнăш мар пулĕ. Яманак ялĕнчи Валентина Егоровăна эпĕ шăпах унта тĕл пултăм, чылайччен калаçрăм.
Вăл Пысăк Чуллă ялĕнче çуралнă. Ашшĕпе амăшĕ Шупашкарта ĕçлесе пурăннă. Виссарионпа Ирина Егоровсем ывăлĕпе икĕ хĕрне ĕçе юратма, ваттисене хисеплеме вĕрентсе çитĕнтернĕ. Ачисем Супар ялĕнчи кукамăшĕн ăшшине туйса ÿснĕ. Кукашшĕ Тăван çĕршывăн Аслă вăрçинчен таврăнайман.
Аслă уçланкăра «Шупашкарăм, савнă Шупашкарăм» юрă янăрать. Ăна Каçал тăрăхĕнчи Вăрманхĕрри Чурачăкра çуралса ÿснĕ Нина Павлова шăрантарать. Унăн уçă сасси таврана ян каять.
Анне… Мĕн тери ăшă та çепĕç сăмах вăл кашни çыншăн! Анне пире çут тĕнче парнеленĕ. Унăн пехилĕпе çут тĕнчере пурăнатпăр эпир.
Йĕпреç райповĕнче тĕлĕнмелле пуçаруллă та хастар ĕçченсем вăй хураççĕ. Ольга Басманцева акă ăсталăхĕпе çĕршыв, тĕнче шайĕнче палăрма ĕлкĕрнĕ.
Йывăрлăха, çивĕч конкуренцие пăхмасăр Йĕпреç райповĕ аталану çулĕпе çирĕп утать. Юлашки çулсенче çĕнĕ производство объекчĕсем уçнă, хăватлă оборудованисем туяннă. 2014 çулта кондитер цехĕ хута кайнă май çăкăр-булка, кондитер изделийĕсен ассортименчĕ палăрмаллах пуянланнă. Кунта вăй хуракансен ĕçĕ-хĕлĕпе мана хаваспах паллаштарчĕç.
Этем пурнăçĕ те, çут çанталăк пулăмĕсем пекех, шав малалла шăвать. Иртнĕ кун нихăçан та каялла таврăнмĕ. Кирлех-ши таврăнни? Ку е вăл çын утса тухнă кун-çул сукмакĕ — унăн пуянлăхĕ.
Çĕр çине никам та ĕмĕрлĕх килмест, пурте ватăлатпăр. Пурăннă вăхăтра çыннăн çурт-йĕр çавăрмалла, ача-пăча çитĕнтермелле, йывăç лартса ÿстермелле. Çак ĕçсене эпир мăшăрпа пурнăçларăмăр тесе шухăшлатăп.
Чăвашла верси
Русская версия
