Ял çыннине хисеплесчĕ

26 Нарăс, 2020

Çĕр çине никам та ĕмĕрлĕх килмест, пурте ватăлатпăр. Пурăннă вăхăтра çыннăн çурт-йĕр çавăрмалла, ача-пăча çитĕнтермелле, йывăç лартса ÿстермелле. Çак ĕçсене эпир мăшăрпа пурнăçларăмăр тесе шухăшлатăп.

Иртнĕ ĕмĕрте çурт-йĕр çавăрма çăмăлах пулман: колхозра ĕç укçи пĕчĕкчĕ, патшалăх енчен, паянхи пек, пулăшу пулман. Килти хуçалăхра выльăх-чĕрлĕх усраса сутса тунă укçапа капмар çурт лартаймарăмăр. Çулсем кунран-кун иртсе пыраççĕ, ĕмĕр вĕçне çывхарса пынине туятпăр халĕ. Ăс-тăн йĕркеллĕ чухне куçман пурлăха /çурт-йĕре/ ачасене халалласа хăварас шухăш çуралчĕ. Мĕншĕн тесен сарăмсăр инкеке пула халал хутне тепĕр чухне хăшĕ-пĕри çырса та ĕлкĕреймест. Çавна пула ачи-пăчи хушшинче хирĕçÿ тухнă тĕслĕх сахал мар тĕл пулать.
Ĕлĕкхи йăлапа, хамăр ĕçленĕ çулсене аса илсе, халал хутне çыртарма Чăваш Сурăм ял тăрăхне кайрăм. «Пире ку ĕçе пурнăçлама хушмаççĕ», — терĕç специалистсем. Манăн вара районти нотариус патне кайма тиврĕ. Пирĕн ялтан Элĕке каймашкăн ятарласа автобус рейсĕ çук. Шупашкартан район центрне çÿрекенскер тунтикунпа кĕçнерникун ирхине 7 сехетре яла кĕрсе çынсене лартса тухса каять.
Пĕр тунтикун эпĕ те района нотариус патне ирхи автобуспа ларса кайрăм. 8 сехете унăн пÿлĕмĕ умне çитсе тăтăм. Унти ĕçченсем 9 сехетре ĕçе пуçăннине пĕлтĕм. Хăй вара — 14 сехетре çеç. Çитменнине, Шупашкарта пурăннă май вăл ĕçе çур сехет юлса çитет. Хутсене секретаре парса хăвартăм.
Ун патне иккĕмĕш хут кайсан сала тăрăх çÿресе вăхăта ирттертĕм. Пĕтĕмпе 7 сехет çухатрăм. Виççĕмĕшĕнче вара — 8 сехет. «Кĕтнĕ чух вăхăт вăкăр уттипе иртет», — теççĕ. Ĕçе аран-аран вĕçлерĕм.
Район учрежденийĕсенче тăрăшакансем ĕç вĕçлесе киле кайма хатĕрленеççĕ. Нотариусăн ĕç кунĕ пуçланать кăна. Çакнашкал ĕç кунĕ хулара е район центрĕнче пурăнакансене тивĕçтерет. Ялта пурăнакана вара — çук. Ман шутпа, нотариусăн ĕç вăхăчĕ ял çыннине тивĕçтермелле. Инçетри ялсенче пурăнакансен унта епле кайса çÿремелле? Çакна шута илесчĕ. Малалла вулас...

www.hypar.ru

Вениамин АРХИПОВ? Элĕк районĕ, Мартынкасси ялĕ.

Комментари хушас

Image CAPTCHA
Введите символы, которые показаны на картинке.