Archive - Хыпар

Çак кунсенче Архивсен кунĕ иртрĕ. Çавна май ЧР Патшалăх истори архивĕнче Уçă алăксен кунне йĕркелерĕç.

Аваллăхпа кăсăкланакансемшĕн çакă пысăк парне вырăнĕнче пулчĕ. Вĕсем архивçăсем пулăшнипе хатĕрленĕ экскурсире тăван тăрăхăн историйĕпе, культурипе, йăли-йĕркипе, фондсенче упранакан тĕлĕнмелле документсемпе паллашрĕç.

Ăслăлăх-справка аппарачĕ тата информаципе шырав тытăмĕн пайĕн ĕçченĕсем уйрăмах хаклă документсене цифрăламалли тата сканерламалли хальхи йышши хатĕрсене кăтартрĕç, реставраципе çыхăннă ĕçсем пирки чарăнса тăчĕç.

Мурманск облаçĕнчи «Чăваш Ен» культура обществин делегацийĕ Северодвинск хулин портĕнче тăракан «Ушаков адмирал» эскадра миноносецĕ çинче пулса курчĕ.

Хăнасене хисеп туса карап çинче ялав çĕклерĕç, митинг ирттерчĕç. Чăваш культура обществин ертÿçи Валериан Гаврилов тинĕс-çар флотĕнче хĕсметре тăракан яшсене, çав шутра чăваш каччисене те, çирĕп сывлăх, ăнăçу сунчĕ. Мурманскри «Шупашкар» пĕрлешĕвĕн генеральнăй директорĕ Дмитрий Осипов карап экипажне телевизор тата Чăваш Республикинче туса кăларнă пылак çимĕçсем парнелерĕ.

1940 çулсенче Шупашкар районĕнчи Шоркка ялĕнчи 3-8 çулсенчи ачасем уйра пучах пайтах пуçтарнă. Пирĕн атте вĕрентекенччĕ, анне тухтăрччĕ. Апла пулин те çурлапа тырă вырма çемьене колхозниксен пĕр тÿпин çурри чухлĕ уйăрнă. Яваплă çак ĕçе хăйсен ачисене те явăçтарнă.

Патăрьел районĕнчи халăха ĕçпе тивĕçтерекен центра 2014 çулхи кăрлач-нарăс уйăхĕсенче пулăшу ыйтса 167 çын пынă, пĕлтĕрхи çав вăхăтра - 199. Вĕсенчен 59-шĕ е 35,3 процент ĕçсĕрлĕх статусне официаллă йĕркепе илнĕ. Учета тăратнă граждансен хушшинче 57 хĕрарăм /34,1 процент/, 16-29 çулсенчи 63 çамрăк /37,7/, 14-18 çулсенчи 75 ача /44,9/, пенсие тухмалли ÿсĕмччен 2 çул юлнă 5 çын /3/, ĕçлеме пултараслăх кăтартăвĕ пур 6 инвалид /3,6/, пĕлÿ заведенийĕ пĕтернĕ хыççăн ĕçлеме тытăнман 6 специалист /3,6/.

Сăпайлăскер хăйĕн пирки каласа пама питех кăмăлламасть вăл. Ÿнер тавра сăмах пуçарсан вара куçĕсем хĕм сапма пуçлаççĕ. Акă мĕн çунатлантарать унăн чун-чĕрине! Çак хĕлхем ăна çитĕнÿ çул-йĕрĕ çине тăратнă та. Пуçламăшĕ аван, малашлăх тата та лайăх пулассăн туйăнать.

1879 çулта Раççей Шалти ĕçсен министерствинче Тĕп тĕрме управленине туса хунă. Çапла вара çĕр-шывăн уголовлă айăплава пурнăçлакан тытăмĕ çак кунсенче 135 çул тултарчĕ. Паллă кун ячĕпе журналистсемпе курнăçнă май Федерацин айăплава пурнăçлакан службин республикăри управленийĕн пуçлăхĕ Алексей НЕЦКИН Чăваш Енри тĕрме-колони ĕç-хĕлĕпе паллаштарчĕ.

XXI ĕмĕр профессионалсен ĕмĕрĕ пулнине шута илсе паянхи çамрăксенчен нумайăшĕ тавра курăмне анлăлатма, хальхи йышши технологисене алла илме тăрăшать. Инноваци тата ăслăлăх ĕçне хутшăнакан та сахал мар.

Хальхи информаци технологийĕсемпе анлăн усă курни ĕç тухăçлăхне ÿстернипе пĕрлех çынсен пурнăç пахалăхĕн шайне те ырă витĕм кÿрет. Асăннă тытăм аталанăвĕ чылай чухне çĕр-шывăн конкуренцие çĕнтерме пултараслăхне те палăртать.

Хальхи информаци технологийĕсемпе анлăн усă курни ĕç тухăçлăхне ÿстернипе пĕрлех çынсен пурнăç пахалăхĕн шайне те ырă витĕм кÿрет. Асăннă тытăм аталанăвĕ чылай чухне çĕр-шывăн конкуренцие çĕнтерме пултараслăхне те палăртать.

Республикăри Çамрăксен канашĕсен чи лайăх пĕрлехи эмблемине палăртас енĕпе йĕркеленĕ конкурса пĕтĕмлетнĕ. Унта 7 район-хуларан 27 ĕç тăратнă.