Archive - Утă 2017

июля 20th

20 Утă, 2017

Ăмăрту автомобильне ăсталанă

Çакнашкал машинăна Çĕнĕ Шупашкарта пурăнакан икĕ çамрăк пуçтарнă: 15 çулти Иван Воронцовпа 14-ри Андрей Толстов. Ку шухăш епле çуралнă-ха вĕсен?

20 Утă, 2017

Паллă артистсемпе клипра ÿкерĕннĕ

Кам тетĕр-и? Çĕнĕ Шупашкар пики Татьяна Николаева. Вăл Раççейри паллă артистсемпе Полина Гагаринăпа, Егор Кридпа тата DJ Smashпа пĕрле клипра ÿкерĕннĕ.

июля 19th

19 Утă, 2017

Музейри пек

Патăрьел районĕнчи Турханта кăçалхипе вун пĕрмĕш хут Кокель пленэрĕ иртет. Унта çĕршывăн тĕрлĕ кĕтесĕнчен килнĕ ÿнерçĕсем хутшăнаççĕ.

Хальхинче вĕсем Аслă Чементе пурăнакан Нина Михайловна Мулгачева хуçалăхĕнче пулса курнă. Кинемей тĕрленине, кăмакара çăкăр пĕçернĕ саманта ÿкернĕ. Сăрă ăстисем çуртпа паллашнă май 92 çулти ватă авалхи япаласене таса та типтерлĕ упранинчен тĕлĕннĕ.

19 Утă, 2017

Пулă тытнă, шÿрпе пĕçернĕ

Иртнĕ шăматкун сусăрсем Атăл хĕррине пулă тытма пуçтарăннă. Çакнашкал фестивале Чăваш Енре маларах та йĕркеленĕ. Кăçал вара унта Мари Эл пулăçисем те килсе çитнĕ.

Пулă тытассипе арçынсем çеç мар, хĕрарăмсем те кăсăкланни палăрать. Çак ĕç вĕсемшĕн те чун киленĕç пулнине каланă вĕсем. Фестиваль вăхăтĕнче тĕрлĕ конкурс ирттернĕ, концерт йĕркеленĕ, шÿрпе пĕçернĕ. Мероприяти пуриншĕн те хаваслă иртнĕ.

 

19 Утă, 2017

«Земство тухтăрĕ» — вăхăтлăх программа кăна...

Пĕтĕм Раççейри «Раççейшĕн» халăх фрончĕ» общество юхăмĕн республикăри уйрăмĕн хастарĕсем регионти штабăн çумпредседателĕ Елена Доманова тата ОНФн ĕç тăвакан комитечĕн пуçлăхĕ Николай Косыев ертсе пынипе утă уйăхĕн 18-мĕшĕнче Етĕрне район больници пациентсене сĕнекен медицина пулăшăвĕн пахалăхне хакларĕç. Чи малтанах вĕсем поликлиникăри регистраци ĕçĕ-хĕлĕпе, информаци ма-териалĕсемпе паллашрĕç, пĕтĕмĕшле практика врачĕн йышăнăвĕнче пулчĕç, стационара çитсе курчĕç, чирлисен хушшинче ыйтăм йĕркелерĕç.

19 Утă, 2017

Пĕчĕк хуçалăхсене пулăшмаллах

Çĕрпÿ районĕнчи Михайловкăпа юнашар лаптăкра утă тĕркемĕсем туллиех. Самай пысăкскерсене Евгений Матвеев фермер тракторпа çаклатса прицепа хурать. Васкаса ĕçлекенскер пире асăрхасан техникине самантлăха чарчĕ, çапах моторне сÿнтермерĕ.

июля 18th

18 Утă, 2017

Юхан шыв – вылямалли вырăн мар

Пулать вĕт: иртнĕ эрнере Шупашкарта пурăнакан 34-ри арçын çур çĕр çитеспе Атăл урлă ишсе каçма шухăш тытнă. Тĕп пляжран сулахай çыран еннелле ишме пуçланăскере вăйлă юхăм илсе кайма тытăннă.

Pages