Archive - 13 Утă, 2017

13 Утă, 2017

Тĕрĕс калаçма вĕрентеççĕ

Шупашкарти ачасен п у п л е в ĕ пăсăлнине тÿрлетес енĕпе ĕçлекен 2-мĕш садик кăçал 30 çул тултарчĕ. Çак тапхăрта унтан 1750 ытла ача вĕренсе тухнă. «Пуплев кăлтăкĕсене тÿрлетекен пĕртен-пĕр ача сачĕ пулнă май кунта Шупашкартан çеç мар, хула çывăхĕнчи ялсенчен те ачасем пурччĕ. Садик уçăлнă\çулсенче эрнере 6 кун талăкĕпех ĕçлеттĕмĕр. Хăш-пĕр ачана тунтикун килсе яратчĕç те шăматкунчченех пурăнтаратчĕç. Транспорт хальхи пек çÿремен вĕт. Каçхи няньă-сем пурччĕ. Кашни ушкăнра 6-7 ача çĕр каçатчĕ. 3 логопед Мускавра ятарлă курс вĕренсе килнĕччĕ.

13 Утă, 2017

Йĕпреç ачи — Раççей чемпионĕ

Калугăра çуллахи полиатлон чемпионачĕ вĕçленнĕ. Ăмăрту пилĕк енлĕ кĕрешÿпе иртнĕ. 60 тата 1000 метр чупса, мечĕк ывăтса, автоматран персе, 50 метр ишсе чи нумай балл пухнисем çĕнтерÿçĕ ята тивĕçнĕ.

Раççей первенствин 12-13 çулсенчи çĕнтерÿçисен хушшинче Чăваш Енри Реналь Рахимов та пур. Йĕпреç рай-онĕнчи «Патвар» физкультурăпа сывлăха çирĕплетекен комплекса çÿрекенскер пилĕк енлĕ кĕрешÿре 356 очко пухнă.

13 Утă, 2017

Нейронсемпе модульсен çыхăнăвне пĕлеççĕ

Мĕнле арçын ача техникăпа ан кăсăклантăр? Ашшĕ-амăшĕ туянса панă машинăпа выляма кăна тунсăхлăрах, сÿтсе пăхасси вара… Акă ăçта чăн-чăн савăнăç! Шăпах çакăнпа илĕртет те ачасене Шупашкарти моделизмпа робототехника лагерĕ.

Робототехника илĕртет

13 Утă, 2017

Тăванĕ сусăрсене хваттерсĕр хăварнă

89 çулти Федосия Яковлевăпа 65 çулти Николай Яковлев, амăшĕпе ывăлĕ, Шупашкарта икĕ пÿлĕмлĕ хваттерте пурăнаççĕ. Федосия Павловна Хĕрлĕ Чутай районĕнчи Акчикасси ялĕнче çуралса ÿснĕ, Шупашкарта пĕр вăхăт ĕçленĕ хыççăн Ростов облаçне куçса кайнă.

13 Утă, 2017

Ватăсен чунне сиплемелли эмел çуккишĕн кулянать

Алла туя тытсан пурнăç улшăнать. Вăй-хал чакса пынăран ирĕксĕрех çын куçĕнчен пăхма тивет. Хăш-пĕр кинемейпе мучи ваттисен çуртĕнче хÿтлĕх тупать. Тĕпренчĕкĕсем пур çинче тăван килте вĕсен ăшăлăхĕпе юратăвне туяймаççĕ.

13 Утă, 2017

Унăн поэзийĕ халăх чунне çывăх

Унăн сăввисем шыв юххи пек шăнкăр-шăнкăр вуланаççĕ. Вăл чăваш сонетне классика шайне хăпартнă, акăлчансен паллă поэчĕн, драматургĕн Уильям Шекспирăн 154 сонетне чăвашла куçарнă.

13 Утă, 2017

Студентсем квадроцикл пуçтарнă

Çаврăнăçуллă студентсемшĕн техника пуçтарасси чăрт сурасси çеç. Шупашкарти политехника институчĕн студенчĕсем Иван Никоноров, Дмитрий Иванов, Дмитрий Разуваев квадроцикл хатĕрленĕ. Яшсем ăна пĕр уйăхра пуçтарса пĕтернĕ.

Pages