Канашри Полевой урамри 18-мĕш çурта призывниксен нумай-нумай ăрăвĕ лайăх пĕлет - кунта пухăну пункчĕ вырнаçнă, салтаксене чаçе ăсатиччен Чăваш Енри çар комиссариачĕсенчен призывниксене илсе килеççĕ. Пухăну пункчĕ - хупă режимлă объект, унта службăра тăракансем тăвансене те, юлташсене те кĕртмеççĕ.
Журналистсене мĕн интереслентерет? Халăха мĕн канăçсăрлантарать? Раштав уйăхĕн 17-мĕшĕнче РФ Президенчĕ Владимир Путин калем ăстисемпе тĕл пулнă. Çулсерен иртекен пресс-конференцие хутшăнакансен йышĕ ÿссе пынине палăртмалла. Кăçал унта каймашкăн 1,4 пин журналист аккредитациленнĕ.
Раштав уйăхĕн 17-мĕшĕнче Шупашкарта «Çамрăксем - Чăваш Енĕн вăй-халне шеллемесĕр ĕçлеме пултаракан йышĕ» ятпа анлă форум иртрĕ. Чăваш Республикин Çамрăксен правительствин тĕллевĕ пархатарлă: хастар яшсемпе хĕрсем тантăшĕсене экономикăпа социаллă пурнăç, политика ĕçĕ-хĕлне хутшăнтарасшăн.
Чăваш эстрада артисчĕсем куракансене çĕнĕрен те çĕнĕ программăсемпе савăнтарма тăрăшаççĕ. Кулăш ĕмĕре тăсма пулăшать. Чăнах та, раштавăн 16-мĕшĕнче иртнĕ «Чăваш Womаn» шоу-концертран савăк кăмăлпа таврăнтăм.
2015 çул Раççей çеç мар, Чăваш Ен историйĕнче те тĕрлĕ пулăмпа çырăнса юлĕ. Республикăра çĕршыв шайĕнчи спорт мероприятийĕсем иртрĕç, пирĕн пата чылай паллă çын çитсе курчĕ... Тĕрĕссипе, пурне асăнса та пĕтереймĕн. Чи пĕлтерĕшли - Раççейре - Литература, Чăваш Республикинче Константин Иванов çулталăкĕ пулни. Кăçал ял-салари вулавăшсенчен пуçласа республика шайĕнчех çĕр-çĕр мероприяти иртрĕ. Чылайăшĕ хальччен пĕлменнине ăса хыврĕ, кĕнеке тусĕсен йышĕ ÿсрĕ... Ачасемпе çамрăксем электронлă майпа та вулаççĕ. Ку çулах Шупашкарта мобильлĕ библиотекăсем вырнаçтарчĕç.
Леонид АНТОНОВ пирки манăн «çавра çил» теес килет. Вăл - конферансье, «Аsамат» ушкăн ертÿçи, «Аван Party» проект авторĕ, Пĕтĕм тĕнчери «Мистер-этно» конкурс çĕнтерÿçи, ЧНК хастарĕ, юрăç, çав вăхăтрах «Çамрăксен хаçачĕн» тусĕ те.
Унта йытăлла улаççĕ, кушакла мăрлатаççĕ, автанла авăтаççĕ... Хĕрарăмсем арçын сассипе кăшкăрашаççĕ, усал сăмахсем каласа йĕреççĕ, хăсаççĕ, йăваланаççĕ... Çакă йăлтах Тутар Республикинчи Çĕпрел районĕнчи Кивĕ Чакă ялĕнче вырнаçнă Михаил архангел чиркĕвĕнче пулса иртет.
Сиплĕ выльăх çăвĕсем хушшинче кăвакал çăвĕ уйрăм вырăн йышăнать. Чи малтанах вăл - тĕлĕнмелле паха çуллă йÿçексен çăлкуçĕ. Çак йÿçексемсĕр этем организмĕ йĕркеллĕ ĕçлеме пултараймасть. Вĕсене пĕр орган та туса кăларайманнине кура унăн саппасне апат урлă пĕрмай çĕнетсе тăма тивет.
Паха çак йÿçексемсĕр пуçне кăвакал çăвĕнче сывлăхшăн усăллă микроэлементсем холин, селен тата Е витамин, олеин йÿçекĕ, бетаин, В4 витамин нумай. Асăннă витаминсемпе йÿçексем клеткăсен хупписене йĕркелеме тÿрремĕнех хутшăнаççĕ.
Кунжут - тĕлĕнмелле ÿсен-тăран. Унăн вăрринче питĕ хăватлă антиоксидант сезамин пур. Вăл онкологи чирĕсенчен сыхланма пулăшать, япăх холестерин шайне сахаллатать, ытлашшине кăларать, юн тымарĕсенчи вĕтĕ çу тăхисене ирĕлтерет, тромбсем пулса каясран, вĕсем юн тымарĕсене хупласа хурасран хÿтĕлет, атеросклероз хăрушлăхне чакарать.
Чăвашла верси
Русская версия
