Archive - Çу 2015

Мĕн тери ăста-çке сарă хĕр!

Николай Ытарай хайлавĕсем – чун уççи

Çитĕнÿсемпе мухтанмалăх пур

Ентешĕсемпе мăнаçланаççĕ

«Пирĕн алăк яланах уçă»

Шашкăлла выляса аслисене парăнтарать

«Çамрăк космонавт»

Кукамай аса илeвe

Пултаруллă та çирĕп тĕллевлĕ ачасене пур çĕрте те тÿрех асăрхаççĕ. Çапла Аньăна та пĕррехинче ялти клуб заведующийĕ «Район пики» конкурса хутшăнма сĕннĕ.

Шупашкарти 2-мĕш вăтам шкулти ачасем чăваш чĕлхи урокĕсене чунтан кăмăллаççĕ.

Шкул йышĕ пĕчĕк пулсан та пысăк та курăмлă ĕçĕсемпе тахçанах палăрма ĕлкĕрнĕ. Çитĕнÿсен вăрттăнлăхĕ мĕнре-ши. Паллах, пĕршухăшлă пулса, канашласа, пур ĕçе те кар тăрса пурнăçланинче. Ачасене ăнланакан педагогсенчен вĕренекенсем тĕслĕх илсе, вĕсен сăмахĕсене ăса хывса пыраççĕ.

Ялти культура çурчĕ çумĕнчи «Хунав» ушкăна тĕрлĕ-тĕрлĕ мероприятире час-часах курма пулать. Çамрăк артистсем хăйсен пултарулăхĕпе кама кăна савăнтармаççĕ-ши?

- Эпир хамăр паллă çыравçăсене, ÿнерçĕсене, юрăçсене, вăрçăра пуç хунă паттăрсен ячĕсене яланах асра тытатпăр, - терĕ Тăвай шкулĕн директорĕ Вера Михайловна Кириллова.

Ара, чылай чухне ертÿçĕрен нумай килет-çке. Вера Михайловна ăшă кулăпа кĕтсе илчĕ. Чи малтан шкул ĕçченĕсемпе пĕрле йĕркеленĕ стенд патне илсе пычĕ. Тăвайĕнчи паллă çынсен сăнÿкерчĕкĕсене çак стенд çине вырнаçтарнă. Тĕлĕнмелле! Ачасем хастар ентешĕсене курса чăннипех те мăнаçланаççĕ.

Елчĕкри пуçламăш шкулти «Диагностикăпа консультаци центрĕ» вĕренÿ учрежденийĕ чылай ачапа çамрăка пулăшу парать. Унăн тĕп тĕллевĕсенчен пĕри - сусăр ачасене пулăшасси, вĕсене тĕрĕс çул суйлама вĕрентесси. Çавăн пекех кунта психолог тата логопед пулăшăвĕпе усă курма май пур.

Первомайскинчи «Шуçăм» ача садĕнчи шăпăрлансем тĕрлĕ вăйă выляма юратаççĕ. Кунта кашни çулах воспитательсем шашка турнирĕ ирттереççĕ. Унта ачасем хастар хутшăнаççĕ. Кăçал çак турнирта Артем Петухов çĕнтерчĕ.

Пĕри юрлать, тепри ташлать. Ара, пĕрле килĕштерсе пурăннине мĕн çитĕ?

Çĕрпÿри иккĕмĕш шкулти саккăрмĕш класс «Çамрăк космонавт» ятлă. Кунта туслăх-малти вырăнта. Пĕр пĕрне хÿтĕлеме ялан хатĕр. Пур ĕçе те кар тăрса пĕрле тăваççĕ. Паллах, туслăхпа çирĕпленнĕ класра сывлăш та урăхла. Пултаруллă, хастар, маттур ачасемпе мĕнле мухтанмăн?

Вăрçă... Мĕн тери тискеррĕн те хăрушшăн илтĕнет çак сăмах! Вăрçă... Тăван çĕршывăн Аслă вăрçи... 1418 талăк хушши кĕрленĕ вăл. Пирĕн чечекленекен Тăван çĕршыва 1941 çулхи июнĕн 22-мĕшĕнче нимĕç фашисчĕсен эшкерĕсем систермесĕр тапăннă, лăпкă хуласене, ялсене аркатнă, сирпĕтнĕ, çунтара-çунтара янă. Совет халăхĕ пĕр çын пек пулса Тăван çĕршыва хÿтĕлеме çĕкленнĕ.

Вăрçă чарăннăранпа 70 çул çитрĕ пулин те юн тăкнă паттăрсем халĕ те çынсен асĕнчех. Вĕсем пире малалла утма, çĕнĕ çитĕнÿсем тума хавхалантарсах тăраççĕ.