Archive - 20 Çу, 2014

Çу уйăхĕн 19-мĕшĕнче Чăваш Ен Пуçлăхĕ Михаил Игнатьев республика Правительствин членĕсемпе, влаçăн территори органĕсен тата хула округĕсен ертÿçисемпе канашлу ирттернĕ.

Министрсен Кабинечĕн Председателĕ Иван Моторин республикăн тата федерацин инвестици программисене кĕртнĕ объектсене мĕнле пурнăçлани çинчен пĕлтернĕ. 2014 çулта капиталлă строительство объекчĕсем валли федераци бюджетĕнчен 6657,3 млн тенкĕ уйăрма пăхнă. Çу уйăхĕн 1-мĕшĕ тĕлне федераци инвестицийĕсен 22,9% усă курнă.

Çу уйăхĕн 17-мĕшĕнче Чăваш Ен Пуçлăхĕ Михаил Игнатьев республикăри район-хула администрацийĕсен пуçлăхĕсемпе видеоконференци ирттернĕ.

Ĕç шырасси, ăсталăхпа пĕлÿ шайне тивĕçтерекен, кăмăла килекен ĕç тупасси чылай чухне çынран хăйĕнченех килет. Пĕрремĕш йывăрлăхах парăнса алă уссан, айккинчен çеç пулăшу кĕтсен ăнăçу пуласса шанма хĕн.

Çу уйăхĕн 16-мĕшĕнче Шупашкарта регионсен хушшинчи вĕренекен çамрăксен ăслăлăхри пултарулăхĕн "Анлă Атăл çамрăклăхĕ" XVI фестиваль-конференцийĕ уçăлчĕ.

Тăван çĕр-шывăн Аслă вăрçинче çĕнтернĕренпе кăçал 69 çул çитрĕ. Ирĕклĕхшĕн кĕрешнĕ май пирĕн халăх хăйĕн сывлăхĕпе пурнăçне те хĕрхенмен, чылайăшĕ çапăçу хирĕнче выртса юлнă е хыпарсăр çухалнă.

Социаллă рекламăн Пĕтĕм Раççейри "Новый Взгляд" уçă 5-мĕш конкурсĕ пуçланнă. Йĕркелÿçи - регионсен хушшинчи "Çамрăксен тĕнчи" общество фончĕ, вăл çамрăксен граждан хастарлăхĕпе вăй-хăватне аталантарас тата пулăшас енĕпе хатĕрленĕ проектсене пурнăçа кĕртет.

Пирĕнтен чылайăшĕшĕн чикĕ леш енчи пурнăç юмахри пек хитре те асамлă туйăнать. Анчах туйăнать çеç çав. Ют чĕлхе, культура, пачах урăх йăла-йĕрке - çакă йăлтах малтанхи тапхăрта ура хума пултарать. Çапах чăваш хĕрĕ-каччи ют çĕр-шывра та çухалса каймасть, тĕрлĕ йывăрлăха çĕнтерсе пурнăçри вырăнне тупма ăнтăлать.

Куславкка - Атăл хĕрринче вырнаçнă хула. Вăл паллă çынсен кун-çулĕпе те çыхăннă, культура объекчĕ те сахал мар унта. Çавăнпа хулана хăнасемпе туристсем час-час килсе çÿреççĕ.