Archive - 11 Нарăс, 2014

Эрне кун, нарăс уйăхĕн 7-мĕшĕнче, Сочири «Фишт» стадионта XXII Олимп вăййисем уçăлнине халалланă чаплă уява тĕнчери мĕльюн-мĕльюн çынпа пĕрле курса савăнтăмăр. Пирĕн çĕр-шывăн пуян та вăрăм кун-çулĕнчи паллă сăнарĕсемпе пулăмĕсене тепĕр хут аса илтĕмĕр.

Мускав хăнин куравĕ

Авал Раççейри кашни хĕрарăм тĕрленĕ. Çак пултарулăх халăхăн хăйне евĕр ăсталăхĕпе çыхăннă. Йĕппе тата тĕрлĕ çиппе хĕрарăмсем шурă пире искусство произведенине çавăрнă.

Хĕр ачасем 7-8 çултанах хĕр тупри хатĕрлеме пуçланă. 15-16 çул тĕлне вĕсен çÿпçинче праçникре тата куллен тăхăнмалли çи-пуç, вырăн таврашĕ, сĕтел çитти, темиçе пит шăлли пулмалла пулнă. Туй умĕн вĕсене пурте курмалла çакса хунă. Çакă хăйне евĕр курав пек пулнă.

Нарăсăн 10-мĕшĕнче Чăваш Ен Пуçлăхĕ Михаил Игнатьев Министрсен Кабинечĕн членĕсемпе, федераци ведомствисен территори органĕсен тата муниципалитетсен ертÿçисемпе канашлу ирттернĕ.

Нарăсăн 8-мĕшĕнче Чăваш Ен Пуçлăхĕ Михаил Игнатьев республикăри район-хула администрацийĕсен пуçлăхĕсемпе видеоконференци ирттернĕ. Канашлăва хутшăннисене вăл Сочире хĕллехи XXII Олимп вăййисем пуçланнă ятпа саламланă.

Иртнĕ ĕмĕрĕн 70-мĕш çулĕсенче уçнă «Шупашкар: 500 çул» парк чылай вăхăт тĕп хулари культура тата спорт мероприятийĕсем ирттермелли тĕп вырăн шутланнă. Анчах унăн кун-çулĕнче аллейăсем пушаннă, ача-пăча сасси илтĕнмен, халăх пачах çÿремен тапхăрсем те пулнă.

Çулла, шалкам çумăрсем хыççăн, Шупашкарта кунашкалли пулкалать-ха, анчах хĕл варринче пĕр-пĕр урам пысăк кÿлле çаврăнни чăннипех сайра. Энтузиастсен урамĕнче ĕнер ирхине шăп та лăп çапла пулнă. Çавăнпах транспорт çÿревĕ чăрмавлă пулнине кура нумайăшĕ ĕçе, çитмелли ытти çĕре вăхăтра çитеймен.

Ял-хула таврашĕнчи шыв-шур уссине пурте куратпăр. Унсăр çын та, чĕр чун та пурăнаймасть, ÿсен-тăран та çитĕнеймест. Этем юхан шыв е кÿлĕ çумне ахальтен пырса вырнаçман.

Республикăри çамрăк геологсен «Terra incognita» общество организацийĕ хĕр-упраçпа яш-кĕрĕме геологи палăкĕсемпе, Чăваш Ен историйĕпе паллаштарма, тавралăха хÿтĕлемешкĕн лайăхрах явăçтарма тĕллев лартнă.

Çак кунсенче Шупашкарта Калинин кĕперĕ çывăхĕнче /Ярославль урамĕнчи 29-мĕш çуртăн хĕвел тухăç енче/, Кайбулка шывĕн сулахай енче, строительство ĕçĕсем пынă вырăнта çĕнĕ археологи палăкне тупса палăртнă.