Пăтăрмах

Етĕрнере пурăнакан хусах сасартăк юрату чирĕпе аптраса ÿкнĕ. 38 çулти хĕрарăма ирĕклĕн утма паман, вĕçĕмех çулăхнă. Анчах лешĕ хăйĕнчен вунă çула яхăн кĕçĕн çынран пăрăнма тăрăшнă. Çакă арçынна калама çук тарăхтарнă. Хайхискер ăна тавăрма тытăннă. Унăн Toyota RAV4 автомобильне юриех сиенлесе 350 пин тенкĕлĕх тăкак кăтартнă.

Л. АЛА.

Тĕлĕнмелле канасланса кайрĕ пурнăç. Пирĕн асат­­те-асанне тĕл­ленме те пултарайман япаласем çиçĕмле хăвăртлăхпа кĕрсе пыраççĕ йăлана. Калăпăр, хулара пурăнакансене нумай пулмасть кăна-ха ăмсанса пăхаттăмăр — ара, вĕсем килтен тухмасăрах пĕр-пĕринпе хутшăнма пултараççĕ-çке, телефонпа шăнкăравласа кăна калаçаççĕ... Халĕ вара çак ырлăх яла та çитрĕ. Кинемейсем те хапха умне тухса лараççĕ те ачи-пăчи, мăнукĕсем патне шăнкăртаттараççĕ, лешсем мĕнле пурăннине ыйтса пĕлеççĕ.

"Галя, тăр-ха! Пушар! Çунатпăр", — çывăракан арăмне вăратнă Владимир. Çĕр варри, икĕ сехет иртнĕ. Тутлă ыйха сасартăк татма тивнĕ май мĕн пулса иртнине хĕрарăм тÿрех ăнкарайман. Чÿречерен пăхнă — вите-сарай хĕп-хĕрлĕн ялкăшса çуннă. Пушарнăйсене чĕннĕ хыççăн арăмĕ чĕтрекен аллипе документсене пуçтарнă, унтан çывăрмалли кĕпе вĕççĕн, çара уран кÿршисем патне чупнă. Упăшки выльăха вут-çулăмран хăтарма васканă...

Авăн уйăхĕн 24-мĕшĕнчен пуçласа 30-мĕшĕччен Шупашкарти тата Çĕнĕ Шупашкарти сиплев учрежденийĕсенчен наркăмăшланнине кура 61 çын пулăшу ыйтнă. Вĕсенчен 15-шне госпитализацилеме тивнĕ.

Pages

Subscribe to Пăтăрмах