Archive - 5 Раштав, 2013

5 Раштав, 2013

Телей çулне шырани

Мĕн авалтан çут тĕнчере мĕн пур ĕçе иккĕн - Харсăрккапа Темтепĕлейкин йĕркелесе пынă тет. Пĕри - хастар асатте, ĕçре хатăр пулнăран ăна Харсăркка ят панă. Вăл ĕçе нумай шутласа тăмасăр тунă. Кирек мĕнле япалана та хоп çĕкленĕ те лап хунă кирлĕ вырăна. Пурнăçне ăнтарайман, анчах ĕçсĕр аптăраса ларман.

Тепри вара ăслă асатте - Темтепĕлейкин. Питĕ ăслăскер, кирек мĕнле ĕçе пуçăниччен чи малтан çамкине пĕрĕнтерсех шутлаканскер, тĕнчене куçпа мар, ăспа курнă пулмалла.

5 Раштав, 2013

Пулас лауреатсем, сас парăр!

ЧР Журналистсен союзĕ 2013 çулшăн республикăри журналистсен Çемен Элкер, Николай Никольский тата Леонид Ильин ячĕллĕ çуллен паракан премийĕсене илме тăратакан ĕçсене йышăнма пуçлани çинчен пĕлтерет.

ЧР Журналистсен союзĕн членĕсем - массăллă информаци хатĕрĕсенче, информаци агентствисенче, пресс-службăсенче, ытти медиа-тытăмра ĕçлекенсем - хăйсен ĕçĕсене тăратма пултараççĕ. Комисси 2013 çулта пичетленнĕ, теле- тата радиоканалсен эфирне тухнă, информагентствăсен лентисене вырнаçтарнă, уйрăм кĕнекен кăларнă ĕçсене тишкерме йышăнать.

5 Раштав, 2013

Заводра токарь çук. Мĕншĕн?

Республика Пуçлăхĕ Михаил Игнатьев ĕнер экономикăна модернизацилес тата ăна çĕнĕ технологисемпе пуянлатас тĕлĕшпе ĕçлекен канаш ларăвне ирттерчĕ. Унта хутшăннисене бизнесăн экологи хутшăнăвĕсенчи яваплăхĕ енĕпе Чăваш Ен пĕлтĕр федерацин 83 регионĕ хушшинче пĕрремĕшсен вырăнне тухнине пĕлтерчĕ.

5 Раштав, 2013

Патшалăх программине ырланă

Чăваш Республикин 2014-2020 çулсем валли хатĕрленĕ "Чăваш Ен информаци обществи" патшалăх программине ЧР Министрсен Кабинечĕ чÿк уйăхĕн 27-мĕшĕнче ырланă. Унăн тытăмне 4 çум программа кĕрет.

Патшалăх программин тĕп тĕллевĕ - Чăваш Республикин экономика, социополитика, культура, общество пурнăçĕн ытти сферинче информаци тата телекоммуникаци технологийĕсене аталантарасси. Ăна пурнăçа кĕртни Интернетпа усă куракан кил хуçалăхĕсен шутне пысăклатма, патшалăх пулăшу ĕçĕсене электрон мелпе кÿрессин пахалăхне тата влаç органĕсен уççăнлăхне ÿстерме май парĕ.

5 Раштав, 2013

Чăваш Ен - çĕнтерÿçĕсен йышĕнче

Чÿк уйăхĕн юлашки кунĕнче Чăваш Республикин Пуçлăхĕ Михаил Игнатьев Тĕп çар округĕн йĕркелÿпе мобилизаци управленийĕн штабĕн ертÿçипе Александр Линьков генерал-майорпа тĕл пулнă. Ун хыççăн РФ Хĕç-пăшаллă Вăйĕсен Çар управленийĕн органĕсен çар учетне çÿллĕ шайра йĕркелес тĕллевпе ирттернĕ смотр-конкурсра мала тухнăшăн Чăваш Республикине Раççей Федерацийĕн Оборона министерствин вымпелне панă çĕре хутшăннă.

5 Раштав, 2013

Шупашкар - реле хÿтлĕхĕн производствин центрĕ

Раштавăн 3-мĕшĕнче Чăваш Ен Пуçлăхĕ Михаил Игнатьев республикăн Пĕтĕм тĕнчери ятарлă 16-мĕш «Раççей электричество сечĕсем-2013» курава хутшăнакан предприятийĕсен павильонне çитсе курнă. Çак курав Мускавра «Пĕтĕм тĕнчери МосЭкспо курав центрĕ» ВВЦ территорийĕнче иртет.

5 Раштав, 2013

Михаил Игнатьев Канаш ларăвне хутшăннă

Раштав уйăхĕн 3-мĕшĕнче Чăваш Ен Пуçлăхĕ Михаил Игнатьев Мускавра Раççей Ют çĕр-шыв ĕçĕсен министерстви çумĕнчи РФ субъекчĕсен пуçлăхĕсен Канашĕн XXII ларăвне хутшăннă. 2013-2014 çулсенчи тапхăрта вăл унăн членĕ шутланать.

Ларура Раççейпе Евроканаш хушшинчи çыхăнусене, вĕсен малашнехи аталанăвĕн ыйтăвĕсене пăхса тухнă. Раççей ют çĕр-шыв ĕçĕсен министрĕ Сергей Лавров Раççей регионĕсем тата Ют çĕр-шыв ĕçĕсен министерстви информаци уçлăхĕнче пĕрле ĕçлесси лайăхланнине палăртнă, федераци субъекчĕсене инновацие мала кăларса чикĕ леш енчи çыхăнусене çине тăрсах аталантарма сĕннĕ.

Pages