Архив - Авг 2016 - Хыпар

Шупашкар шыв управĕ пулă хуçалăхĕн тĕллевĕллĕ, чи пысăк категориллĕ шыв-шур объекчĕсен шутне кĕрет.

«Хыпар» ыйтăвĕсене ЧР çут çанталăк ресурсĕсен тата экологи министрĕн заместителĕ Владимир Николаевич КУЗЮКОВ хуравлать.

2015 çулхи çĕртме уйăхĕнче Беларуçри «Буг» санаторире кантăм, Брест крепоçне çитсе куртăм. Тĕрĕссипе, ăна курма ятарласа кайрăм. Крепоç музейĕнче пултăмăр, хÿтĕлев тăрăхĕсене кăтартса çÿрерĕç, çапăçусем çинчен каласа пачĕç.

Чăваш Ен Пуçлăхĕ Михаил Игнатьев утă уйăхĕн 29-мĕшĕнче Сĕнтĕрвăрри районне çитсе курчĕ, Кукашни ялĕнчи фельдшерпа акушер пунктне уçма хутшăнчĕ.

Камай уйĕ — истори пĕлтерĕшлĕ вырăн. Хаяр Иван патша ертсе пынипе вырăс çарĕсем Хусана илнĕ чухне палăрнă Камай Хусеинов паттăра Хумпа Кĕтне юханшывĕсен хутлăхĕнче уйăрса панă çĕр лаптăкĕ хальхи вăхăтра Йĕпреç тăрăхĕнчи «Хĕрлĕ партизан» колхоза кĕрет.

Чăваш Ен Пуçлăхĕ Михаил Игнатьев КПСС Чăваш обкомне 1974-1988 çулсенче ертсе пынă патшалăх тата политика деятелĕ, Шупашкар хулин Хисеплĕ гражданинĕ Илья Прокопьев 90 çул тултарнă ятпа Чăваш наци библиотекинче утă уйăхĕн 29-мĕшĕнче ирттернĕ савăнăçлă уява хутшăнчĕ.

РФ Пенси фончĕн республикăри уйрăмĕ пĕлтернĕ тăрăх — пенси валли пухакан укçана инвестицилесси çинчен республикăра çулталăк пуçланнăранпа 500 ытла заявлени йышăннă.

Граждансен 68 проценчĕ нухрата патшалăхăн шутланман пенси фондĕнчен — Раççей Пенси фондне, 22 проценчĕ — патшалăхăн шутланман пĕр фондран теприне, 9 проценчĕ — РФ Пенси фондĕнчен патшалăхăн шутланманнине куçма, 1 проценчĕ управляющи компание суйлама кăмăл тунă.

Утă уйăхĕнче кăна республикăра патшалăхăн тата муниципалитетсен влаç органĕсем куçми пурлăх правине патшалăх енчен регистрацилеме электрон мелĕпе 103 заявлени панă. Росреестрăн Чăваш Енри управленийĕшĕн ку — хăйне евĕр рекорд.

Пассажирсене илсе çÿрессипе çыхăннă ыйтусем кашнинех пырса тивеççĕ. Ку енĕпе юлашки вăхăтра çивĕчлĕх пур. Транспорт предприятийĕсен ертÿçисем йывăрлăха кĕрсе ÿкни пирки чан çапаççĕ. Çавна май ыйтăва ЧР Пуçлăхĕ çумĕнчи право йĕркине тивĕçтерекен координаци канашлăвĕн ларăвĕнче пăхса тухни ăнсăртран мар.