ППЭ

25 Jun, 2018 | Вĕрентÿ | ППЭ

Шкулсенче экзаменсем вĕçленчĕç — вĕсен кăтартăвĕсемпе Чăваш Республикин вĕрентÿ министрĕ Александр Иванов паллаштарчĕ. 11-мĕш классем — 5,8 пин, 9-мĕшсем 11,7 пин ытла яшпа хĕр экзамен тытнă. Ку йыш пĕлтĕрхинчен самай пысăкрах.

21 Jun, 2018 | Вĕрентÿ | ППЭ

Чăваш Республикинче 5452 вĕренекен вырăс чĕлхипе ППЭ тытнă. Çак йышран 0,11 проценчĕ — аттестат илме май паракан 24 балл пухайман. Çапах ку кăтарту пĕлтĕрхинчен 0,2 процент лайăхрах. Экзамена хутшăннисен 32-шĕн пĕлĕвне 100 балпа хакланă /2017 çулта 17-шĕ чи нумай балл пухнă/.

9, 11-мĕш классенче вĕренекенсем патшалăхăн тĕп тата патшалăх экзаменĕсене тытаççĕ. Ĕнер, сăмахран, шкултан вĕренсе тухакансем биологипе тата ют чĕлхепе /çырса/ патшалăхăн пĕрлехи экзаменне панă.

Шкултан вĕренсе тухакансен хĕрÿ тапхăр пуçланнă. Географипе тата вырăс литературипе ППЭ çу уйăхĕн 26-мĕшĕнчех иртнĕ. Пĕрремĕшне çĕр-шыври 21218 çамрăк тытнă, çак йышран 8,2 проценчĕ 80-100 балл пухнă. 57-ĕшĕ чи пысăк балл илнĕ. Вырăс литературипе пĕлÿ шайне 36127-ĕн тĕрĕсленĕ. Вĕсен 6 проценчĕ пысăк балл пухнă, 203-шĕ 100 балл илнĕ. Пирĕн республикăра географи предмечĕпе - 185-ĕн, литературăпа 249-ăн ППЭ тытнă.

 

Pages

Subscribe to ППЭ