Тăвай районĕнчи Турикас Тушкилти Владислав Моряков шкулта вĕреннĕ чухне те, халĕ те çуллахи пĕр каникула килте ахаль ларса ирттермен, ял хуçалăх предприятине ĕçлеме çÿренĕ. Ачаранпах техникăпа туслашнăскер тиевлĕ машинăпа тыр-пул та пайтах турттарнă.
Урамра çулла хуçаланать пулин те Вăрманкас Кĕçтемĕрте пурăнакан Оксана Владимирова куллен кăçатă тытать. Çук, вĕсене тăхăнмасть вăл — йăвалать, илемлетет. Халĕ капăрлатнă çăматă тăхăнасси модăна кĕчĕ. Унашкаллине тăхăнма та кăмăллă. Кăçата тĕрлĕ эрешпе, ÿкерчĕкпе илемлетекен çын нумай мар.
Юлия Геронтьевăран: «Мĕншĕн ветеринар профессине суйласа илтĕн?» — тесе ыйтсан нумай шухăшламарĕ. «Эпĕ ял ачи, пĕчĕкрен выльăха юратса çитĕннĕ», — хуравларĕ Мĕшĕлте çуралса ÿснĕскер. Хĕр шкул хыççăн тĕп хулари Чăваш патшалăх ял хуçалăх академине çул тытнă.
Чăвашла верси
Русская версия
