Пире тăнăç пурнăç парнеленисене хисеплесе Çĕнтерÿ кунĕнче пĕчĕккисем те, аслă ÿсĕмрисем те парада хутшăнаççĕ. Çу уйăхĕн 9-мĕшĕнче тĕп хулари Хĕрлĕ тÿремре çар техникине çулленех курма пулать. Пĕлтĕр парада лаша спорчĕн çар тĕсĕпе — джигитовкăпа — интересленекенсем хутшăнса хăйсен ăсталăхĕпе тĕлĕнтерчĕç.
Çĕнĕ Лапсарта пурăнакан Альбина Семенова хăйĕн маттур та пултаруллă хĕрĕпе чăннипех мухтанать. Унăн хĕрĕ — Раççей биатлонисчĕ, 2013 çулхи Универсиада çĕнтерÿçи, çĕршыв чемпионки Татьяна Акимова. Кăçал вăл тĕнче кубокĕн тапхăрĕсене хутшăнма тивĕç пулчĕ. Альбина Николаевнăна хĕрĕ çинчен каласа кăтартма ыйтрăм.
Общество ĕçне хутшăннăшăн укçа тÿлемеççĕ. Апла пулин те çĕр-çĕр çамрăк куллен волонтер ĕçне кÿлĕнет, тĕрлĕ пĕрлешÿре тăрăшать. Красноармейски салинче çуралнă Станислав Трофимов шкулта вĕреннĕ чухне сцена çине тухма та хăранă.
Муркаш районĕнчи Ярапайкассинчи Валентина Андреева — пирĕн хаçат тусĕ. Тивĕçлĕ канăва тухиччен Шупашкарти чăлхапа трикотаж фабрикинче ĕçленĕ. Халĕ мăшăрĕпе пĕрле тăван тăрăхра пурăнать. Шăллĕ тума пуçланă пÿрте çĕклесе лартнă, йĕри-тавра хуралтă çавăрнă вĕсем. Иккĕшĕ те çĕр ĕçне юратаççĕ. Мăнукĕсем хăнана килсен тавралăх ачасен хаваслă куллипе тулать.
Шкулта вĕреннĕ вăхăтра Ольга Филиппова класри картта çинче Аслă Британие сăнанă май: «Ку пĕчĕк патшалăхра халăх мĕнле пурăнать-ши? Пур çĕрте те — юханшыв», — тесе шухăшланă. Ку çĕршыв картта çинче çеç пысăк мар иккенне вăл унта кайсан ăнланнă.
Чăвашла верси
Русская версия
