Чăваш Ен тата Китай: ĕçтешлĕх çирĕпленет
Çу уйăхĕн 23-24-мĕшĕсенче Чăваш Енре РФ Атăлçи округĕнчи регионсен тата Китай Халăх Республикинчи Янцзы шывĕ хĕрринчи провинцисен ĕçтешлĕхĕн канашĕн виççĕмĕш ларăвĕ иртет.
Ĕнер ĕç ушкăнĕ ЧР Правительство çуртĕнче пысăк çак мероприятие йĕркелесе ирттерессине сÿтсе яврĕ. Ларăва республика Пуçлăхĕ Михаил Игнатьев ертсе пычĕ. Унăн ĕçне çавăн пекех РФ Президенчĕн Атăлçи округĕнчи полномочиллĕ представителĕн заместителĕ Олег Машковцев хутшăнчĕ.