2016, кăрлач /январь/ уйăхĕн 21-мĕшĕ: "Хыпар" хаçат тухма тытăннăранпа 110 çул!
Чăваш халăхĕн пĕрремĕш хаçачĕн - "Хыпарăн" - кун-çулĕ çăмăл пулман. Пăлхавăрлă вăхăтсенче ăна кăларма та чарнă, хаçат ятне те темиçе хутчен улăштарнă. Самана улшăнса тăнă пулин те тăван халăх "Хыпартан" писмен, ăна çырăнса илсе тавракурăмне анлăлатнă, çĕршыв, тĕнче культурипе пĕтĕçнĕ.
Ахальтен мар ĕнтĕ хаçатăн пĕрремĕш редакторĕ Н.В.Никольский "Хаçат тăрăх ырра вĕренесчĕ" тесе тăван халăха çутта кăларма, культурине ÿстерме, ăс-хакăл пуянлăхне нумайлатма капашлă вăй хунă.