Чĕлхе пирки хаçатра куллен çыратпăр пулин те чуна ыраттаракан тепĕр пулăм каллех ку ыйтăва çĕклеме хистерĕ. ЧР наци культура аталанăвĕн «Ирĕклĕх» халăх пĕрлешĕвĕн хастарĕсене пуçламăш шкулта тăван чĕлхепе вĕрентессине пĕтерме пултаракан хăрушă пулăм канăçсăрлантарать. Ку, паллах, вĕсене çеç мар, мĕн пур чăваша пырса тивет. Пăлхану сăлтавĕ мĕнпе çыхăннă-ха?
Чăваш Республикинче коррупципе кĕрешессине йĕркелекен комиссин черетлĕ ларăвне уçнă май Чăваш Ен Пуçлăхĕ Михаил Игнатьев çĕршыв ертÿлĕхĕ коррупципе пĕр шелсĕррĕн кĕрешмешкĕн тĕллев лартнине аса илтерчĕ.
Ку статьяна вуланă май «тухтăрсене кураймасăр çырать» тесе ан шухăшлăр. Медик профессине суйланисене питĕ хисеплетĕп, вĕсем нумай-нумай çын пурнăçне çăлса хăварнă пин-пин тĕслĕх пĕлетĕп. Йĕпреç районĕнчи Ирçе Çармăс тăрăхĕнчи çынсем шурă халатлă ĕçченсем тĕлĕшпе кăна мар, медицина тытăмĕнчи çитменлĕхсем çинчен пĕлтернине илтмĕш тăвас мар терĕмĕр. «Эсир хаçатра çырнă хыççăн пире вуçех сиплеме пăрахĕç-ши?» — иккĕленчĕç ватăсем, анчах çывăх çыннине çухатнине пула чун ыратăвне пытараймарĕç.
Вăрнар районĕнчи Кÿлхĕрринче пурăнакансен шухăшĕ тĕрлĕрен: пĕрисем паян хускатакан çивĕч ыйту хăçан та пулсан татăласса ĕненмеççĕ, çавăнпах ун çине алă сулнă, теприсем лару-тăрăва улăштарассишĕн тăрăшаççĕ. «Таçта та çитнĕ, такампа та калаçнă — усси пулмарĕ. Хаçат вăйне ĕненетпĕр, пире пулăшсамăр», — терĕç.
Çĕрпÿ районĕнчи Тепикассисем канăç çухатнă. Çак тăрăх çыннисен пурнăçĕ çу уйăхĕнчен тĕпрен улшăннине хам куртăм. Чей вĕретме те шыв çук вĕсен. Унсăр пуçне апат та пĕçермелле, выльăх-чĕрлĕх те шăвармалла, мунча та хутмалла...
Чăвашла верси
Русская версия
