Чăваш Республикинче «Земство тухтăрĕ» тата «Земство фельдшерĕ» программăсемпе ăнăçлă ĕçлеççĕ. Ял-салара вăй хуракансене патшалăх уйрăммăн пулăшма пуçланăранпа 426 сывлăх сыхлавçипе килĕшÿ тунă. Элĕк район тĕп больницине, тĕслĕхрен, «Земство тухтăрĕ» программăпа 13 врач ĕçе вырнаçнă. Валерий Егоров тĕп врач патшалăх тĕревĕ кадр çивĕчлĕхĕнчен хăтăлма пулăшнине палăртать.
Шупашкарта вырнаçнă Федерацин травматологи, ортопеди тата эндопротезировани центрĕ пуш уйăхĕн 4-мĕшĕнче хăйĕн пирвайхи юбилейне – 10 çулхине – сумлăн уявларĕ. Уяв Чăваш патшалăх оперăпа балет театрĕнче иртрĕ.
Паян ЧР Сывлăх сыхлав министерстви республикăри ача-пăча клиника больницин пульмонологипе аллергологи уйрăмне пресс-тур йĕркелерĕ. Çакăнта 42 ача сипленет.
Çакна пурте пĕлетпĕр-ха. Анчах ăна мĕнле упрамалла? Çакă çынран хăйĕнчен кăна килмест-çке. Ку енĕпе патшалăх та питĕ тимлĕ пулмалла. Чăваш Енре шăпах çапла тума тăрăшаççĕ те. Иртнĕ çул республикăра Онкологи чирĕсемпе кĕрешмелли çулталăк тесе пĕлтернĕ. 2018 çул хыçа юлчĕ. Мĕн тума пултарнă-ха?
Чÿк уйăхĕн 3-мĕшĕнче республикăри больницăсенче уçă алăксен кунĕ иртĕ. Ыран пациентсем пĕтĕмĕшле практика тухтăрĕсемпе, ытти специалистпа тĕл пулайĕç.
Чăвашла верси
Русская версия
