АНЧАХ...

16 Çурла, 2017

Юмах янă, юптарнă

«Пăскăнчăка, тухатланине сиретĕп, тĕрлĕ чир-чĕртен сывататăп», — шантарнă 53-ри хĕрарăм массăллă информаци хатĕрĕ урлă. Çемьери хирĕç тăруран, хĕсĕк пурнăçран, чиртен ывăннă çынсемшĕн вăл телей парнелекен асамçă пек туйăннă. Вĕсене пулăшма Краснодар хулинченех килнĕ иккен. Ултавçă капкăнне тăватă хĕрарăм çакланнă. «Сиплевçĕ» картпа пăхнă. Пăскăнчăка сирнĕ пек туса аллисемпе хăлаçланнă, тем мăкăртатнă. Çакăншăн 5 пинрен пуçласа 82 пин тенкĕ таран сăптăрнă. Çăткăнскер пĕр хĕрарăмран 106 пин тенкĕ ыйтнă. Анчах лешĕн пурĕ те 5 пин тенкĕ кăна пулнă.

Хресчен сасси
Пулса иртни
АХ
АНЧАХ...
Л. АЛА.
16 Çурла, 2017

Пуясси пулман

Тăвай районĕн администрацийĕн пĕр пай пуçлăхĕ ял пикисем урлă пуйма шутланă. Хайхискер культура учрежденийĕсен директорĕсене районти пикесен конкурсне курма кĕмешкĕн билетсем хатĕрлесе 100-150 тенкĕпе сутма хушнă. Укçине вара пуçлăх йăлтах пуçтарса илнĕ. «Конкурс ирттерме кайнă тăкаксене саплаштарма кирлĕ», — суеçтернĕ вăл ĕçченсене. 2013-2015 çулсенче укçа самай пуçтарăннă. Унăн пĕр пайне культура учрежденийĕн балансĕ çине куçарнă. 57 пин тенкине кĕсйине чикнĕ пуçлăх.

Хресчен сасси
Культура
АХ
АНЧАХ...
Л. АЛА.
16 Çурла, 2017

Каллех виççĕн путнă

Çанталăк кĕр енне кайрĕ пулин те кăнтăрла ăшă. Çавна май шыва кĕрекен нумай-ха. Шел, ăна кура путакансем те пур. Иртнĕ канмалли кунсенче каллех виççĕн путнă.

Çурла уйăхĕн 13-мĕшĕнче Çĕрпÿ районĕнчи икĕ юлташ эрех ĕçнĕ хыççăн пĕве урлă ишсе каçма хăтланнă. Варрине çитсен пĕрин вăйĕ пĕтсе çитнипе шыва анса кайнă. Каярахпа çăлавçăсем унăн ÿтне туртса кăларнă. Çак кунах Атăл леш енчи «Прометей» кану çуртĕнче те инкек сиксе тухнă. Каçхине пилĕк сехетре 37 çулти хĕрарăм шыва кĕрсе уçăлма шутланă. Анчах Атăлтан тухайман.

Хресчен сасси
Кун хыççăн кун
АХ
АНЧАХ...
Л. АЛА.
10 Çу, 2017

Чăл-пар! арканчĕ канăçлăх

Шарт! сиксе вăранчĕ Надя. Хыпалансах вырăна хыпашлама пикенчĕ. Аллине никам лекменрен пушшех хăраса ÿкрĕ. Çак самантра курни тĕлĕк иккенне, пĕчĕк Ирина кукамăшĕ патĕнчине ăнланчĕ те хаш! сывласа ячĕ. Кĕлетки тăрăх сивĕ шыв янăн тăрт-тăрт! чĕтрерĕ хăй. Çук-ха, çÿçентерекенĕ сивĕ тар мар — хăрушă тĕлĕк.

...Игорь хыçран хăвалать пек. Тарать-тарать Надя. Хытă чупас тет — ури итлемест. Такăнса ÿкесрен те хăрать. Пĕлет: арçын çитсен хĕрхенмест — чунĕ каниччен хĕнет. Малалла вулас...

Чăваш хĕрарăмĕ
Патшалăх заданийĕ
АХ
АНЧАХ...
12 Кăрлач, 2017

Хаваслă каникулăн хурлăхлă кунĕсем

Хĕллехи каникул вăхăтĕнче тухтăрсен республикăри 14 515 çынна сиплеме тивнĕ. 9 288-ăшĕ патне «васкавлă пулăшу» чĕнтернĕ, 2372-шне госпитализациленĕ. Пиротехника 4 арçынна амантнă. Эрех ĕçсе 29-ăн наркăмăшланнă, 1 çын вилнĕ. Çул-йĕр аварийĕнче 58-ăн инкек тÿснĕ. Шартлама сивĕре 23-н шар курнă, 8-ăн пурнăçран уйрăлнă. Пушарта 6-н çунса вилнĕ. Чăваш Енри право хуралĕ пĕлтернĕ тăрăх - кăçал пĕрремĕш хут Çĕнĕ çул уявĕсенче çынна вĕлернĕ тĕслĕх пулман.

Шартлама сивĕре

Хресчен сасси
Пулса иртни
АНЧАХ...

Pages