Пулса иртни

Пуш уйăхĕн 21-мĕшĕнче 16 сехетре çăлав службине пулăшу ыйтса шăнкăрав çитнĕ. Ача чукун батарея хушшине урине чикнĕ те туртса кăларайман. Инкек Шупашкарти Университет урамĕнче пулса иртнĕ.

Канаш районĕнчи пĕр ялта 47-ри хĕрарăм пĕрле пурăнакан арçыннине вĕлерме тăнă, ăна çĕçĕпе икĕ хутчен чикнĕ. Мĕншĕн? Хайхискер саккунлă мар упăшкине тăван хĕрĕпе тытнă. Кÿршĕсем чупса пынă, васкавлă медицина пулăшăвĕ хăвăрт çитнĕ. Суранланнăскер чĕрĕ юлнă. Ĕç-пуç 2017 çулхи раштавăн 1-мĕшĕнче пулнă. Иртнĕ эрнере çак хĕрарăм тĕлĕшпе приговор кăларнă.

«Ачусем валли канфет-пĕремĕк туянтăн-и?»

Тулăран Чăваш Ене уса хыпар çитрĕ: çав хулана стройкăна ĕçлеме кайнă 21-ри каччă вилнĕ. Хăпартма тытăннă çуртăн 17-мĕш хутĕнчен икĕ монтажник ÿкнĕ. Вĕсенчен пĕри — пирĕн ентеш.

Укçа енне шапа та аллине тăсать тенĕ. Право хуралĕнче вăй хуракан çын та укçа курсан чă-тайман, саккуна пăссах преступниксене хÿтĕлеме тытăннă.

Л. АЛА хатĕрленĕ.

Pages

Subscribe to Пулса иртни