Пулса иртни

16 Пуш, 2022

Ҫул пайлайман

Шупашкарти Трактӑр тӑвакансен проспектĕнче ҫул-йӗр пӑтӑрмахӗ пулнӑ.

Тиев машини чарӑнуран тухакан маршрут автобусне ҫул паман иккен, тӳрремĕнех ун ҫине пырса кĕнӗ... Ҫавна пула автобус ҫумри троллейбуса пырса ҫапӑннӑ. Инкекре 2 хӗрарӑм аптăранӑ.

www.hypar.ru Уçă çăл куçсенчен илнĕ сăн ÿкерчĕк

Пулса иртни
16 Пуш, 2022

Каллех ачасене эвакуациленĕ

Паян республикăри 62 вĕренÿ учрежденине сирпĕнекен хатĕрсем вырнаçтарнă текен хыпар çитнĕ.

Канаш районĕнче  29 шкулпа 18 ача садĕнчен,  Шупашкарти 3 шкулпа 9 ача садĕнчен тата 2 колледжпа 1 аслă шкултан вĕренекенсемпе ĕçченсене эвакуациленĕ. Вĕсене вăхăтлăха çывăхри учрежденисене илсе кайса вырнаçтарнă.

Полици ĕçченĕсем кашни шкулпа ача садне тĕплĕн тĕрĕслеççĕ.

Пулса иртни
24 Нарăс, 2022

10-мĕш хутра ĕçленĕ чухне

Нумай хваттерлĕ çурт хăпартнă чухне 25-ри строителĕн пурнăçĕ татăлнă. РФ СКн Чăваш Енри следстви органĕсем тĕрĕслев ирттернĕ хыççăн уголовлă ĕç пуçарнă.

Следстви версийĕ çапларах: 2021 çулхи раштавăн 28-мĕшĕнче ирхи 8 сехетре çамрăк строитель Шупашкарти К.Иванов урамĕнчи 10 хутлă çурта витнĕ çĕрте ĕçленĕ. Ăнсăртран вăл 8-мĕш хута персе аннă. Каччăн пуçĕ, мăйĕ, кĕлетки, алли-урри суранланнă. Вăл кăçалхи кăрлачăн 1-мĕшĕнче больницăра вилнĕ.

Пулса иртни
24 Нарăс, 2022

Пĕлĕшĕпе хирĕçнĕ те…

Кĕчкей ялĕнче пурăнакан 33-ри арçын тĕлĕшпе уголовлă ĕç пуçарнă. Вăл çынна вĕлернĕ тесе шухăшлаççĕ.

Следстви версийĕ тăрăх, нарăсăн 15-мĕшĕнче айăпланакан хăйĕн кил картинче 45-ри пĕлĕшĕпе хирĕçнĕ, аллине ирĕке янă. Ӳсĕрскер ăна тапнă, çапнă, пуçне амантнă. Хур курнăскер сурансене пула вилнĕ. Усал ĕçе пурнăçлакан преступлени йĕрне пытарас тенĕ, арçын вилине сарайне хунă.

Пулса иртни
21 Нарăс, 2022

Çулăмран çăлса кăларнă

Канаш районĕнчи Кăшнаруй ялĕнче 2 хваттерлĕ çуртра пушар тухсан 70 çулти арçынна сĕрĕм тивнĕ. Вăл урама хăй тĕллĕн тухайман.

Раççей МЧС службин ĕçченĕсем вăхăтра çитсе ăна çунакан çуртран илсе тухнă. Арçынна Канаш районĕн тĕп больницине сиплеве вырнаçтарнă. Пушарнăйсем алхасакан çулăма 20 минутра сӳнтернĕ. Пӳртри япаласем, сĕтел-пукан çунса кĕлленнĕ. Çулталăк пуçланнăранпа республикăра 133 пушар тухнă. Пурлăх тăкакĕ пĕтĕмпе — 1,5 миллион тенке яхăн. 10 çынна çăлса хăварайман, 10-шĕ суранланнă.

Пулса иртни

Pages