Публицист шухăшĕ

21 Çу, 2014

Тĕслĕхли тата ĕмĕтри...

Пире кашнинех чăваш ялĕн шăпи, сăн-сăпачĕ, пуласлăхĕ шухăшлаттарать. Çапла пулмасăр, эпир унтан тухнă-çке. Хулара пурăнатпăр пулин те чунăмăрсем унталлах туртăнаççĕ. Юратнă Чăваш Енĕмĕрте паян пин те çичçĕре яхăн ял. Темĕнли те пур вĕсен йышăнче: аталанаканни те, пурнăçпа тан «утаканни» те, пĕтекенни те, лаштра йăмралли те, йывăçсăрри те, пĕве йышлă пулнипе палăраканни те, ача сачĕ, шкул е культура вучахĕ çуккипе нушаланаканни те...

Хыпар

Публицист шухăшĕ

Шухăш

14 Çу, 2014

Шупашкар кинофестивалĕ чăвашсемсĕр ан ирттĕр

Çу уйăхĕн 19-мĕшĕнче республикăн тĕп хулинче халăхсен хушшинчи кинофестиваль уçăлать. Кино уявĕ Чăваш Енре çиччĕмĕш хут иртет. Çулран çул унăн сумĕ ÿссе, ырă ячĕ сарăлса пырать. Киноискусствăна хаклакансемшĕн те, ахаль кураканшăн та вăл - пĕлтерĕшлĕ пулăм. Пысăк экран çинче пахалăхлă фильмсем пăхма, паллă артистсемпе куçа-куçăн курса калаçма май пурри те илĕртет çынсене.

Хыпар

Публицист шухăшĕ

кинофестиваль

7 Çу, 2014

Тăпăлнă калчана чĕртеймĕн

Шкулта вĕреннĕ çулсенче хамăра "çĕнĕ пурнăç калчисем" тесе каланине тăтăшах илтме тÿр килетчĕ. Этеме ÿсен-тăранпа танлаштарни ăнăçлах та мар-и тен, çапах ку сăмах çаврăнăшĕ чĕрене темĕнле ырă варкăшпа витеретчĕ. Пурнăç малашне тата илемлĕрех, тĕнче çутăрах, çынсем ырăрах пулассăн туйăнатчĕ-ши? Çитĕнтĕмĕр. Самани ача чухнехинчен чăнах та урăхларах. Шел, "калчисем" те... Хамăра ăс-тăн панă аслă ăру шанăçне тÿрре кăларайрăмăр-и? Сочиненисенче шăрçаланă шухăшсен ытларах пайне пурнăçа кĕртеймерĕмĕр вĕт.

Хыпар

Публицист шухăшĕ

Шухăш

6 Çу, 2014

Пĕрисем ят-сумлă, теприсем...

РФ Спорт министерстви регионсен спортăн тĕп тĕсĕсене çирĕплетнĕ. Ведомство йышăнăвĕпе килĕшÿллĕн Чăваш Енре аталантараканнисен йышне тепĕр виçĕ ене кĕртнĕ - триатлон, самбо, фристайл. Çапла вара пирĕн республикăра спортăн 12 тĕп тĕсĕ шутланать: велоспорт-маунтинбайк, çăмăл атлетика, спорт кĕрешĕвĕ, спорт гимнастики, ухăран пересси, йывăр атлетика, биатлон, хăлха илтменнисен тата сусăррисен спорчĕ. Çакă ыттисене аталантарманнине пĕлтермест паллах. Тĕслĕхрен, Чăваш Республикинче спортăн 50 федерацине регистрациленĕ, вĕсен йышĕ ÿссех пырать.

Хыпар

Публицист шухăшĕ

спорт

30 Ака, 2014

“Эпир курни те çитет”

Ака уйăхĕн 26-мĕшĕ - Пĕтĕм тĕнчери радиаци аварийĕсемпе катастрофăсенче хур курнисене асăнмалли кун. Çак куна ахальтен мар суйланă. Ăна Чернобыльти атом электростанцийĕнчи хăрушă аварипе çыхăнтараççĕ. Вăл 1986 çулта пулнă. Аварие сирме Чăваш Енрен 1976 çын кайнă.