Кун хыççăн кун

31 Çурла, 2023

Шкула хатĕрленме пулăшнă

Çуртсăр юлнă нумай ачаллă çемьене шкула каймалли хатĕрсем панă.

Шупашкарти çул çитмен ачасен социаллă реабилитаци центрĕнче ĕçлекенсем «Шкула кайма пулăш» ыр кăмăллăх акцине хутшăнса Харламовсен çемйине çĕнĕ вĕренÿ çулне хатĕрленме май туса панă. Алексей Ивановичпа Марина Алекссевна пилĕк ача çитĕнтереççĕ, вĕсенчен виççĕшĕ шкулта вĕренеççĕ. Çĕртме уйăхĕнче тухнă пушарта вĕсен пурлăхĕ çунса кĕлленнĕ. Çакна шута илсе центр специалисчĕсем ачасене шкул кутамккисемпе канцеляри хатĕрĕсем парнеленĕ.

www.hypar.ru

Кун хыççăн кун
30 Çурла, 2023

Дистанциллĕ мелпе сасăлас кăмăллисем йышлă

Çывхаркан суйлавра дистанциллĕ электрон мелпе сасăлас кăмăллă граждансен йышĕ куллен хушăнса пырать. Çакăн çинчен юнкун Право йĕркине тивĕçтерес енĕпе ĕçлекен координаци канашлăвĕн республика Пуçлăхĕ Олег Николаев ертсе пынипе иртнĕ ларăвĕнче ЧР Суйлав комиссийĕн председателĕн çумĕ Игорь Михайлов пĕлтерчĕ.

Кун хыççăн кун
25 Çурла, 2023

Учительпе вĕренекен пĕр хум ҫинче пулмалла, шкулсенче вĕрентӳ ĕҫне кӑна мар, воспитани ыйтӑвне те пысӑк тимлĕх уйӑрмалла

Ҫапла палӑртрĕҫ паян педагогсен ҫурла уйӑхĕнче иртекен йӑлана кĕнĕ канашлӑвĕнче. Вӑл Чӑваш патшалӑх оперӑпа балет театрĕнче пулчĕ. Унта влаҫ тытӑмĕнче ĕҫлекенсем, вĕрентекенсем, педагогика ĕҫĕн ветеранĕсем хутшӑнчĕҫ.

Учительсене видео урлӑ РФ ҫутĕҫ министрĕ Сергей Кравцов саламларĕ.

Кун хыççăн кун
24 Çурла, 2023

ЧР Пуҫлӑхĕ Олег Николаев Шупашкарти 4-мĕш лицейра пулчĕ

Асӑннӑ вĕрентӳ заведенийĕнче тĕплĕ юсав хыҫҫӑн мĕнле улшӑнусем пулнипе паллашрĕ. Лицейра учительсен ҫурла уйӑхĕнчи канашлӑвĕ умĕн "ҫавра сĕтел" иртрĕ. Унта пултаруллӑ вĕрентекенсене, ветерансене чĕннĕ. Мероприятире вĕрентӳ ĕҫĕнчи ҫĕнĕлĕхсемпе ҫитменлĕхсем ҫинчен калаҫу пуҫарчĕҫ. Ку вара Педагогпа наставник ҫулталӑкĕнче уйрӑмах пĕлтерĕшлĕ.

Кун хыççăн кун

Pages