Кун хыççăн кун

Шупашкарта тахçанах пулманччĕ. Канмалли кун çитсен, пахча çимĕç е какай пĕтсен, ачасем яла хăйсем пыраканччĕ. Хăна-таврашне килмелли те тупăнманччĕ ку тапхăрта. Тепĕр тесен, ĕçке-çике пуçтарăнсан тĕп хула урамĕсем тăрăх уçăлса çÿреетĕн-и вара? «Саккас» автобуса лартаççĕ те кил умĕнчен кафе-ресторан алăк уратийĕ тĕлнех çитереççĕ. Юрласа-ташласа тăраннă хыççăн малтанхи маршрутпа киле таврăнатăн.

Республика хастар та харсăр, пуçаруллă та пултаруллă çыннисемпе мухтанма тивĕçлĕ. Унашкаллисем пирĕн — пин-пин. Пĕрисем ача-пăчана пĕлÿ параççĕ, теприсем сывлăх хуралĕнче тăрăшаççĕ, виççĕмĕшсем пурăнмалли çурт-йĕр çĕклеççĕ. Хальхинче вара Чăваш Ен Пуçлăхĕ Михаил Игнатьев ял хуçалăхĕнче тата тирпейлекен отрасльте вăй хуракансен пĕр ушкăнне патшалăх наградисемпе чысларĕ.

Иван Фирсов 100 çул тултарсан кĕçĕн мăнукĕ салтака кайнă

Ку çул Çĕнĕ Шупашкарти Фирсовсен çемйишĕн питĕ пĕлтерĕшлĕ. Атте, асатте, кукаçи, мăн асаттепе мăн кукаçи ятне илтнĕ çемье пуçĕ Иван Фирсович 100 çул тултарнă ятпа манăçми уяв ирттернĕ. Вăл 1919 çулхи çĕртме уйăхĕн 26-мĕшĕнче Тĕкĕрç ялĕнче çут тĕнчене килнĕ. Хальхи вăхăтра мучи — кĕçĕн хĕрĕн Надеждăн тимлĕхĕнче. Хăй тĕллĕн утаймасть ветеран, юлашки вăхăтра алла кашăк та тытайми пулнă.

Pages

Subscribe to Кун хыççăн кун