Кун хыççăн кун

Шупашкарти Лакрей вăрманĕнче тĕп хуламăра тата А.С.Пушкина халалласа сăвă xыççăн сăвă шăранчĕ. "Ачасем сăвăсем вулаççě" хула конкурсĕнче çĕнтернĕ шăпăрлансене итлесе хак пама Раççeй киновĕн тата телекуравĕн пĕчĕк çăлтăрě Николь  Плиева, Алексей Лысенков шоумен, Екатерина Котеночкина актриса, Тимур Ведерников композитор, юрăç, Владимир Вишневский поэт килсе çитрĕç.

Раççей çĕршывĕн паллă шахматçи Владимир Поткин паян Республикăри ача-пăча пултарулăхĕн çуртĕнче Шупашкарти пĕчĕк спортсменсемпе шахматла вылярĕ.

Пӗрремӗш каналӑн "ҫӑлтӑрлӑ десанчӗ" Шупашкарти "Олимпийский" спорт комплексне ҫитрӗ. Ҫак йышра "Пусть говорят" кӑларӑм ертӳҫи Дмитрий Борисов та. Спортпа туслӑскер республикӑри МИХсен ӗҫченӗсен ыйтӑвӗсене хуравларӗ.

Александр Носик актер, Пĕрремĕш канал ĕçченĕсене пысăк ушкăнĕ Шупашкарти 8-мĕш çак садне çитсе курчĕç. Садик заведующийĕ Елена Яндимиркина хăнасене çак пахчипе паллаштарчĕ.

Pages

Subscribe to Кун хыççăн кун