Кун хыççăн кун

Республикăри ĕçлев центрĕсем ĕçсĕр граждансен професси вĕрентĕвне тата хушма професси вĕрентĕвне йĕркелес тĕлĕшпе малалла ĕçлеççĕ. Центр специалисчĕсем çынсемпе вĕренсе тухнă хыççăн та çыхăнăва татмаççĕ. Граждансем хăйсем те çитĕнĕвĕсемпе хаваспах паллаштараççĕ. Акă Шупашкарта пурăнакан Ирина Эливанова ĕçлев центрĕн направленийĕпе професси пĕлĕвĕ илни çинчен каласа кăтартрĕ.

 

Ĕнер Шупашкарта вăй агрегачĕсен заводĕнче бульдозеристсен чемпионачĕ иртрĕ.

Ăмăртăва Казахстанран, Узбекистанран тата Раççейри 15 регионтан килнĕ 24 çын хутшăнчĕ. Вĕсем Трактор заводĕнче туса кăларнă бульдозерсемпе ăмăртрĕç. Чăваш Ен чысне "Дорэксра" ĕçлекен Владимир Павлов хÿтĕлерĕ. Ăстасен ăсталăхĕпе ЧР Пуçлăхĕ Михаил Игнатьев паллашрĕ.

Раççейре «Экологи» наци проекчĕпе килĕшÿллĕн 11 федераци проекчĕ пурнăçланать. Çак йышран 8-шне Чăваш Ен хутшăнать. Кăçал ку наци проектне пурнăçлама федераци бюджетĕнчен 49,6 млрд тенкĕ уйăрма палăртнă, республика бюджетĕнчен — 52 млн тенкĕ. «Экологи» проекта пурнăçа кĕртнĕ май Чăваш Енре хытă каяшсен 17 купине, вĕсенчен 11-шĕ хуласенче вырнаçнă, пĕтересшĕн. 7 районта çÿп-çап йышăнакан станци хута ярасшăн.

Республикăра 2016 çултанпа ялти культура çурчĕсене тăвас программа пурнăçланать. 2016-2018 çулсенче 12 клуб тунă, вĕсен пĕтĕмĕшле хакĕ 151,6 млн тенкĕ, çак шутран 28,9 млн тенке федераци бюджетĕнчен уйăрнă.

www.hupar.ru

Министрсен Кабинечĕн ларăвĕнче маларах кăларнă хăш-пĕр йышăну вăйне çухатнине çирĕплетнипе тата темиçе йышăнăва улшăнусем кĕртрĕç. Чылайăшĕ пирки пысăк пĕлтерĕшлĕ тееймĕн, çапах пĕрин çинчен каласа хăвармаллах.

Pages

Subscribe to Кун хыççăн кун